659 aplikime për patenta në Shqipëri/ Vetëm 11 kërkesa kombëtare, regjistrohen 7 prej tyre
Gjatë vitit 2025, pranë Drejtorisë së Përgjithshme të Pronësisë Industriale (DPPI) u regjistruan 659 aplikime për patenta, por vetëm një pjesë shumë e vogël e tyre lidhet drejtpërdrejt me aplikantë shqiptarë. Numri i aplikimeve ka ardhur në rënie në raport me një vit më parë, ku regjistroheshin 742 aplikime, por edhe në raport me vitet e mëparshme përjashtuar vitin 2022.
Patenta është një e drejtë ekskluzive e dhënë për një shpikje, e cila mund të jetë një produkt ose një proces, i cili sjell një mënyrë të re të krijimit të diçkaje, ose ofron një zgjidhje teknike të re të problemit.
Sipas të dhënave zyrtare nga DPPI, 11 aplikime ishin për patenta kombëtare/PCT me aplikantë shtetas shqiptarë, ndërsa 648 aplikime ishin patenta të lëshuara nga Zyra Evropiane e Patentave (EPO), për të cilat është kërkuar mbrojtje edhe në Shqipëri.
Në terma relativë, aplikimet kombëtare/PCT të depozituara nga shtetas shqiptarë përbëjnë vetëm rreth 1.7% të totalit, ndërsa rreth 98.3% e aplikimeve lidhen me patenta europiane që kërkojnë mbrojtje në tregun shqiptar.
Aplikimet kombëtare, janë kryesisht të fushës mekanike dhe ushqimore, ndërsa 7 patenta, janë të fushës së artikujve personalë/ shtëpiakë (nevoja njerëzore). Numri më i lartë i aplikimeve ka qenë në vitin 2021 me 23 të tilla. Ndërsa në total janë regjistruar 7 patenta.
Ndërsa sa i takon patentave ndërkombëtare, interesi ka ardhur në rënie, pasi shifra është më e ulëta që nga viti 2019, përjashtuar vetëm vitin 2022 ku u regjistruan 601 aplikime.
Kjo strukturë tregon peshën e lartë që kanë patentat europiane në sistemin shqiptar të pronësisë industriale.
Numri i patentave të ripërtërira në vitin 2025, regjistrohet në 5118.
Patentat europiane që kërkojnë mbrojtje në Shqipëri nuk nënkuptojnë domosdoshmërisht aktivitet ekonomik të drejtpërdrejtë në vend; ato tregojnë se mbajtësit e këtyre të drejtave kërkojnë të ruajnë mbrojtjen e shpikjeve të tyre edhe në territorin shqiptar.
Për ekonominë shqiptare, vijon të mbetet sfidë rritja e numrit të shpikjeve dhe patentave të krijuara nga studiues, sipërmarrës dhe kompani vendase, në mënyrë që inovacioni të kthehet në një aset ekonomik dhe në burim të ri të konkurrueshmërisë së biznesit shqiptar.
DPPI shërben si institucioni përgjegjës për regjistrimin, administrimin dhe promovimin e objekteve të pronësisë industriale, përfshirë patentat për shpikje.
KESH, 3.38 mln euro energji për fundin e Gushtit/ Temperaturat rrisin kërkesën, çmimi mesatar gati 132 euro/mWh
Teksa temperatuart e larta kanë rritur kërkesën për energji, Korporata Elektroenergjetike Shqiptare ka realizuar një blerje për periudhën 22–30 gusht 2026, me......
Biznesi në Kosovë regjistron punëtorët në Sistemin EDI/ 31 Tetor 2026, afati i fundit për përmbushjen e këtij detyrimi
Administrata Tatimore e Kosovës ka njoftuar të gjithë punëdhënësit që kanë punëtorë në marrëdhënie pune, se duhet të sigurohen që të dhënat e punëtorëve të......
“Reformat në energji japin rezultate konkrete” - Karakaçi: Shqipëria përmbush detyrimet për 600 MW kapacitete të reja
Reformat në sektorin e energjisë dhe masat e ndërmarra në kuadër të procesit të integrimit evropian kanë sjellë rezultate konkrete gjatë periudhës 1 janar–30......
Pasuritë shtetërore, në verifikim - Objektet mbi 70 vjet, mes kritereve për statusin e pasurisë kulturore
Objektet shtetërore të ndërtuara, apo krijuara më shumë se 70 vjet më parë do të futen në proces verifikimi për të përcaktuar nëse kanë interes kulturor. Një......
Më shumë agrume në Shqipëri/ Prodhimi ka ndjekur një trend rritës 5 vitet e fundit
Prodhimi i agrumeve në Shqipëri ka shënuar një rritje të vazhdueshme gjatë viteve të fundit. Të dhënat për periudhën 2021–2025 tregojnë se prodhimi I......
Interesi për licenca në prodhimin e energjisë - ERE: 22 procedura në proces, kryesojnë centralet diellore
Interesi për investimet në prodhimin e energjisë elektrike reflektohet edhe në numrin e aplikimeve që presin një vendimmarrje nga Enti Rregullator i......
Punësimi i të huajve, miratimi brenda 1 dite - Punëdhënësi duhet të deklarojë pagën dhe kushtet e punës
Nga 10 ditë në vetëm një ditë pune. Ky është afati i ri që Agjencia Kombëtare e Punësimit dhe Aftësive do të ketë në dispozicion për të dhënë miratimin për......
Sa mjaltë prodhon Shqipëria? - 58 mijë koshere më shumë, rritet sasia në treg
Prodhimi i mjaltit në vend po rritet ndjeshëm nga viti në vit, duke dhënë shenjat e një sektori që po zgjerohet, ku efekt kanë dhënë edhe masat e......
