6 mln euro dëm ekonomik nga mashtrimet kompjuterike - SPAK: Call center-at nxisin individët të investojnë në platforma të rreme online
Mbi 6 milionë euro rezulton të jetë dëmi ekonomik nga mashtrimet kompjuterike në 2024. Sipas Raportit Vjetor të SPAK, gjatë vitit që lamë pas është rritur numri i mashtrimeve kompjuterike që kryhen nga grupe të strukturuara kriminale, të cilat i shkaktojnë një dëm të konsiderueshëm ekonomik viktimave.
Por si funksionojnë skemat e mashtrimit kompjuterik?
Fillimisht ngrihen disa kompani që kanë për synim pikërisht mashtrimin e qytetarëve. Këto kompani krijojnë disa platforma të rreme investimi online, siç janë “Absolut Global Markets”, “Aurum Pro” dhe “Finaxis”.
Ata përdorin call center-at në Shqipëri, Maqedoninë e Veriut, Ukrainë dhe Gjeorgji, punonjësit e të cilëve telefonojnë individë të ndryshëm për t'i nxitur që të investojnë në këto platforma. Investimi është i rremë dhe rezulton në vjedhjen e shumave të mëdha të parave ndaj personave që bien pre e një skeme të tillë.
Megjithëse numri i procedimeve penale është ulur me 19% në krahasim me 2023, numri i procedimeve të dërguara për gjykim ka arritur gjithsej në 7 gjatë vitit të kaluar. Të dhënat nga raporti i SPAK tregojnë se mashtrimet kompjuterike në Shqipëri janë më të shpeshta në zonën e Tiranës, Durrësit dhe Vlorës.
Nga hetimet e SPAK rezulton se Shqipëria është kthyer në një pikë të rëndësishme për rrjete kriminale që shfrytëzojnë hapësirat ligjore, teknologjinë dhe krahun e lirë të punës, për të kryer mashtrime kompjuterike masive. Grupet kriminale janë të lidhura ngushtë me tregun e zi kibernetik, duke operuar jo vetëm me mashtrime financiare, por edhe me trafikimin e të dhënave personale.
Mashtrimi kompjuterik i referohet futjes, ndryshimit, fshirjes ose heqjes së të dhënave kompjuterike apo ndërhyrjes në funksionimin e një sistemi kompjuterik, me qëllim për t’i siguruar vetes apo të tretëve, me mashtrim, një përfitim ekonomik të padrejtë, apo për t’i shkaktuar një të treti pakësimin e pasurisë. Një vepër e tillë penale dënohet me burgim nga 6 muaj deri në 6 vjet. Kur ajo kryhet në bashkëpunim, në dëm të disa personave, më shumë se një herë ose kur ka sjellë pasoja të rënda materiale, dënohet me burgim nga 5 deri në 15 vjet.
Sondazh
Kontrolle në fabrikat e birrës dhe verës - Penalizohen 7 subjekte, vendosen gjoba për shkelësit
Importuesit dhe fabrikat vendase që prodhojnë birrë, verë apo pije alkoolike kanë qenë nën monitorim të vazhdueshëm përgjatë vitit që kaloi. Në bazë të......
Risia, nënstacion elektrik nëntokësor në Tiranë - Investimi, BERZH miraton kredinë sovrane 22.5 mln euro për OSHEE-në
Banka Evropiane për Rindërtim dhe Zhvillim ka miratuar kredinë sovrane 22.5 mln euro për Operatorin e Shpërndarjes së Energjisë Elektrike. Huaja do të......
5 milionë euro nga taksa e fluturimeve - Biletat e lira dhe numri i lartë i pasagjerëve rrit me 40.4% të ardhurat
Futja ne treg e kompanive ajrore low cost duke rritur konkurrencën dhe ulur ndjeshëm çmimin e biletave ka sjellë dhe një numër të shtuar të qytetarëve dhe......
Rritet flota e mjeteve green - Janar-mars, 73% e makinave të reja janë elektrike
Mjetet green vijojnë të rrisin dominimin e tyre në qarkullimin rrugor në Shqipëri. Të dhënat zyrtare nga Drejtoria e Përgjithshme e Shërbimeve të Transportit......
Ballkani Perëndimor, “magnet” për investitorët - Pritet të shtojë 20 GW kapacitet energjetik deri në vitin 2040
Ballkani Perëndimor mund të shohë një rritje prej 20 GW të kapacitetit të instaluar deri në vitin 2040, me gati 65% që vijnë nga burimet e rinovueshme, sipas......
Tregu valutor ‘zgjohet në të kuqe’ – Dobësohen ndjeshëm monedhat e huaja kundrejt Lekut!
Dollari amerikan ka shënuar sërish zbritje të vlerës mëngjesin e sotëm pasi krahasuar me një ditë më parë është blerë sot me 86.9 lekë dhe është shitur me......
“Ekonomia shqiptare, tepër e euroizuar” - FMN: Sektori bankar është transformuar. Rreziqet mbeten nga letrat me vlerë
Gjatë dekadës së fundit, sektori bankar shqiptar ka pësuar një transformim të jashtëzakonshëm. Fondi Monetar Ndërkombëtar vlerëson se nga 25% që ishte niveli......
Kinë, rritja ekonomike tejkalon pritshmëritë - Por, tarifat e Trump rrezikojnë të ngadalësojnë rimëkëmbjen
Rritja ekonomike e Kinës në tremujorin e parë i tejkaloi pritshmëritë, e mbështetur nga konsumi dhe prodhimi industrial i fortë. Megjithatë, analistët kanë......
