Shqipëria Postuar më 24 Dhjetor 2024, 10:50

51.100 startup-e, grant 300 milionë lekë - Hyn në fuqi skema e granteve mbështetëse

Nga Ernilda Luzi

51.100 startup-e, grant 300 milionë lekë - Hyn në fuqi skema e

Agjencia Shtetërore për Mbështetjen dhe Zhvillimin e Startup-eve dhe Lehtësuesve njoftoi në Komisionin e Ndihmës Shtetërore planin e ndihmës shtetërore për miratimin e kritereve që duhet të plotësojnë  startup- et dhe lehtësuesit e startup-eve, si dhe të rregullave për përbërjen e komisionit të vlerësimit.

Sipas dokumentit të publikuar në Fletoren Zyrtare, plani i ndihmës synon mbështetjen për zhvillimin e startup- eve shqiptare në funksion të zhvillimit të vendit dhe përparimit në fushat prioritare. Ky program do të stimulojë sipërmarrjen inovative dhe njësive mbështetëse, duke ofruar financim për kompanitë startup më premtuese.

Skema mundëson krijimin e një klime të favorshme për krijimin e startup- eve të reja, aftësimin dhe rrjetëzimin e themeluesve shqiptarë, duke sjellë përfshirjen, mbajtjen e talentit dhe burimeve njerëzore, rritjen e punësimit, lehtësimin dhe mbështetjen në aksesimin  e burimeve financiare, nxitjen dhe futjen e inovacionit në sektorët ekonomikë.

Numri i përfituesve të skemës do të jetë 51100, kështu do të përfitojnë mbështetje me grant të gjithë ato ndërmarrje që janë të vetëdeklaruar në regjistrin elektronik të startup-eve, që janë të pajisur me pasaportën përkatëse. Ndërkohë, vlera e ndihmës shtetërore për vitin 2025 është 300 milionë  lekë  në  formën e grantit  të  drejtpërdrejtë nga  buxheti i shtetit nga fondet  e  miratuara.

Sipas vendimit, plani i ndihmës do të zbatohet brenda vitit 2025.



Sondazh

Poll

Live TV

Të fundit
Të gjitha lajmet

Më të vizituarat