400 vende pune nga kantieri i ri detar në Pashaliman - Vonesa në prodhimin e dronëve dhe mjeteve të blinduara, shkak zinxhiri i furnizimit
Rreth 400 vende të reja pune do të krijohen nga projekti mes kompanisë shtetërore “Kayo” dhe kompanisë italiane “Fincantieri”, për ngritjen e një kantieri të ri detar në Pashaliman për prodhimin e mjeteve lundruese. Kështu është shprehur Ministri i Mbrojtjes Ermal Nufi gjatë një konference për mediat, i cili theksoi ndër të tjera se projekti parashikon zhvillimin e kapaciteteve teknologjike në vend.
“Ky partneritet hap rrugën për prodhimin në Shqipëri të mjeteve lundruese detare, si për nevojat kombëtare ashtu edhe për tregjet ndërkombëtare. Projekti parashikon: krijimin e një kantieri të ri në Pashaliman; punësimin e rreth 400 qytetarëve; zhvillimin e aftësive teknologjike dhe profesionale të të rinjve dhe kthimin e Shqipërisë në një bazë të rëndësishme europiane për ndërtimin e anijeve të vogla dhe të mesme. Ky është një investim me rëndësi strategjike, jo vetëm për mbrojtjen, por edhe për zhvillimin ekonomik dhe industrial të vendit”, nënvizoi Ministri i Mbrojtjes.
Prototipi i parë i mjetit të blinduar parashikohej të ishte gati në maj, ndërsa ai i dronit luftarak në prill, por për shkak të ndërprerjes së zinxhirëve të furnizimit nga konflikti në Lindjen e Mesme, afatet janë zgjatur.
“Bazuar në program, gjithçka po ecën shumë mirë, përjashtuar faktit sepse lidhet me konfliktin në Lindjen e Mesme ku për gati 2 muaj, situata aty ka qenë jo shumë stabël dhe në raste të vecanta ka qenë e bllokuar edhe hapësira ajrore. Kjo na ka sjellë vonesa për sa i përket zinxhirëve të furnizimit dhe elementëve të tjerë, por një gjë është e verëtetë dhe ju garantoj se deri në verë ne do të kemi funksion të plotë të të gjithë kompleksit”, tha administratori i kompanisë shtetërore për prodhimin e armëve “Kayo”, Ardi Veliu.
Për sa i takon dërgimit të trupave ushtarake shqiptare në Forcën Ndërkombëtare të Stabilizimit të Gazas në kuadër të Bordit të Paqes, Shefi i Shtabit të Përgjithshëm të Forcave të Armatosura, Gjenerallejtënant Arben Kingji u shpreh që nuk është përcaktuar akoma numri i trupave që do të angazhohen.
Ekonomistë, juristë dhe inxhinierë, më të kërkuarit - Në 2 javë, AKPA liston mbi 1,000 vende pune për të pakualifikuarit
Në dy javët e para të muajit maj, tregu i punës ka shfaqur kërkesë të lartë si për profesionistë të kualifikuar, ashtu edhe për punonjës sezonalë. Sipas të......
Qumështi, a do të hapë kategorizimi dyert e eksporteve? - Zv.Ministrja Kika: Subjekteve u janë lënë afate për plotësimin e standardeve
Rreth 900 operatorë të biznesit në industrinë e qumështit do të kalojnë filtrin e standardeve, me qëllim që të përmbushin kërkesat e integrimit në BE, por......
Rama: Estonia udhërrëfyes për Shqipërinë në transformimin digjital dhe arsim
Kryeministri Edi Rama gjatë një deklarate të përbashkët me kryeministrin e Estonisë Kristen Michal në Estoni, vlerësoi modelin estonez të zhvillimit......
Shqipëria i bashkohet qendrës së ekselencës së NATO-s për mbrojtjen kibernetike
Shqipëria është tashmë zyrtarisht pjesë e NATO Cooperative Cyber Defence Centre of Excellence (CCDCOE), qendra e ekselencës së NATO-s për mbrojtjen......
29.3 mln euro nga shitja e energjisë/ Janar-prill, Korporata Elektroenergjetike Shqiptare zhvillon dhjetra procedura
4-mujori i parë i vitit ka rezultuar pozitiv në drejtim të prodhimit të energjisë, duke bërë që Korporata Elektroenergjetike Shqiptare të zhvillojë disa......
A do të jetë e ardhmja pa cash në struktura hoteliere? - Gjelishti: 2–3 vitet e ardhshme do ketë rritje të ndjeshme të pagesave digjitale
Pagesat elektronike po shihen gjithnjë e më shumë si e ardhmja e strukturave hoteliere, ndërsa tranzicioni nga cash drejt pagesave digjitale po ecën......
A po bëhet Tirana e shtrenjtë për të jetuar? Rritja e çmimeve të banesave, vështirësi për blerësit e rinj
Tregu i pasurive të paluajtshme në Shqipëri vazhdon të mbetet një nga temat më të diskutuara në vend, sidomos në Tiranë, ku çmimet e apartamenteve janë......
Tokat bujqësore, cilat mund të shiten dhe cilat jo? - Kritere të forta për blerësit, rezidencë në Shqipëri dhe 3 vite biznes në bujqësi
Të huajt do të kenë të drejtën të blejnë tokat bujqësore në Shqipëri si ato të cilat konsiderohen si toka shtet, por dhe ato që disponohen me dokumentacion......
