Karriera Kontakt
English
Live TV

Tregjet

S&P 500
6832,76
1,59%
Nasdaq
22597,15
2,08%
10-Yr Bond
4,1
1,66%
FTSE 100
10402,44
0,67%
Crude Oil
62,9
2,75%
Gold
4941,7
3,17%
EUR/USD
1,19
0%
Shqipëria Postuar më 12 Shkurt 2026, 12:32

14 institucione “shkrihen” në një dritare unike - Nis ngritja e platformës së vetme digjitale për licenca, certifikata dhe autorizime

Nga Elisabeta Dosku

14 institucione “shkrihen” në një dritare unike - Nis

Procedurat dhe shërbimet që ofrojnë 14 institucione dhe agjenci shtetërore, do të jenë të përqendruara të gjitha në Dritaren e Vetme Kombëtare, e cila ka nisur të krijohet si një platformë gjithëpërfshirëse digjitale për licenca, certifikata dhe autorizime në funksion të lehtësimit të tregtisë.  Ngritja e sistemit do të kushtojë 5.9 milionë dollarë.

Sipas draftit për krijimin e Dritares së Vetme Kombëtare Doganore, i cili tashmë është në konsultim, koncepti i një dritareje të vetme paraqitet si: “Një lehtësi që lejon palët e përfshira në tregti dhe transport të depozitojnë elektronikisht, vetëm një herë, informacionin e kërkuar përmes dokumentve të standardizuara, në një pikë të vetme hyrjeje, për të përmbushur të gjitha kërkesat rregullatore që lidhen me importet, eksportet dhe tranzitin.”

Lehtësimi i përpunimit dhe qarkullimit të informacionit përmes Dritares së Vetme Kombëtare Doganore, përkthehet në krijimin e një mjedisi tërësisht elektronik “pa letër” dhe konvertimin e dokumentacionit në letër, në dokumente dhe të dhëna digjitale.

Sipas draftit, financimi i fazës së ndërtimit dhe implementimit/operimit të sistemit DVKD sigurohet nga kredia e Bankës Botërore (IBRD) në shumën 5.9 milionë dollarë. Ndërsa pas përfundimit të implementimit, sistemi do të kërkojë një fond operativ vjetor prej 1.36 milionë dollarë në vit.   Referuar projektligjit, teknikisht ekzistojnë disa opsione të mbulimit të shpenzimeve për operimin e sistemit.  Opsioni i parë është që Qeveria të mbulojë 100% të shpenzimeve të operimit dhe mirëmbajtjes nga Buxheti i Shtetit. Opsioni i dytë është që qeveria mund të vendosë të zbatojë një strukturë tarifash për vetëfinancimin e sistemit, me tre burime potenciale: Tarifa regjistrimi dhe abonimi,  25 USD regjistrimi njëherë; 50 USD abonim vjetor; Tarifa për transaksione doganore si dhe Tarifat ekzistuese LPCO (licenca, leje, certifikata, origjinë), të cilat aktualisht gjerojnë rreth 2.7 milionë dollarë në vit për buxhetin e shtetit dhe mund të integrohen gradualisht në sistemin NSË pa ndryshuar natyrën e tyre ligjore.

Sipas projektligjit, kjo nismë kjo nismë sjell përfitime konkrete duke garantuar: Administrim më të mirë të procedurave që ndiqen në kufi; Ulje të korrupsionit dhe aktiviteteve të tregtisë së paligjshme;  Minimizim të kontakteve me personelin dhe reduktim të mundësive për mitdhenie; Lëvizje më të shpejtë të mallrave;  Rritje të transparencës dhe llogaridhënies të autoriteteve publike të përfshira; Zhdoganim më të shpejtë i mallrave; Përdorim më efikas dhe produktiv të burimeve; Ulje të kostove, për të dyja palët e përfshira në këtë proces, përmes përmbushjes elektronikisht te formaliteteve doganore dhe jo-doganore etj.

Live TV

Të fundit
Analiza 12 Shkurt Dani Rodrik

Bota ka nevojë që Evropa të veprojë shpejt

Dy superfuqitë e botës vështirë se mund të quhen modele frymëzuese për ata që kujdesen për demokracinë, të drejtat e njeriut dhe drejtësinë sociale.......

Të gjitha lajmet

Më të vizituarat

Analiza 12 Shkurt Dani Rodrik

Bota ka nevojë që Evropa të veprojë shpejt

Dy superfuqitë e botës vështirë se mund të quhen modele frymëzuese për ata që kujdesen për demokracinë, të drejtat e njeriut dhe drejtësinë sociale.......

Video