1 trilionë lekë depozita vetëm në Tiranë - BSH: Rënie e kursimeve në të gjithë qarqet e tjera. Sinjal i mundshëm i rritjes së konsumit
Shuma e kursimeve të mbajtura nga qytetarët, bizneset, qeveria qendrore dhe ajo vendore, vetë bankat, kompanitë e sigurimit dhe fondet e pensionit, shoqëritë e kursim-kreditit dhe korporata të tjera, ka arritur për herë të parë në 1 trilionë lekë në qarkun e Tiranës.
Të dhënat më të fundit nga Banka e Shqipërisë tregojnë se vlera e depozitave në tremujorin e parë të 2026 është rritur me 12% në krahasim me tremujorin paraardhës dhe 19% në krahasim me tremujorin e parë të vitit të kaluar.
Kjo shifër konfirmon edhe një herë Tiranën në krye për sa i përket parave të kyçura në bankë, me qëllim kursimi, dhe kjo për shkak se në kryeqytet ushtrojnë aktivitetin pjesa më e madhe e bizneseve, ndërsa është përqendruar edhe shumica e popullsisë. Në tremujorin e parë të vitit, tiranasit rezultojnë të vetmit me shtim të depozitave, ndërsa qytetarët dhe bizneset nga qarqet e tjera të vendit nuk po ruajnë më para në bankë si më parë, sinjal ky i një rritjeje të mundshme të konsumit.
Pavarësisht rënies së depozitave në qarqet e tjera, cilat janë ato që e “konkurrojnë” më tepër kryeqytetin?
Tirana mbart gjysmën e depozitave totale në rang vendi, rreth 54%, ndjekur nga Durrësi me thuajse 7% dhe Vlora me 5%. Ndërkohë, qarqet me vlerën më të vogël të kursimeve në bankë vijojnë te jenë Lezha dhe Korça. Sipas statistikave zyrtare, vetëm 31 milionë lekë rezulton të jetë shuma totale e depozitave në qarkun e Lezhës dhe 62 milionë në atë të Korçës.
Gjithashtu, Lezha ka pasur rënien më të madhe të depozitave nga tremujori i fundit i 2025 në tremujorin e parë të 2026, rreth 12% dhe Vlora po ashtu me 10%. Ky pakësim i kursimeve vjen si në depozitat e ngurta në valutë ashtu edhe tek ato në lekë.
Disbalanca është e qartë: kryeqyteti po mbledh gjithnjë e më shumë para në bankë, ndërsa kursimet në qarqet e tjera të vendit rezultojnë të kenë marrë tatëpjetën për poshtë.
Nga konfiskimi te solidariteti/Lamallari: 150 mijë euro pasuri të krimit kalojnë te 21 OJF për projekte sociale
Ministri i Punëve të Brendshme, Besfort Lamallari, priti në një takim përfaqësuesit e 21 organizatave të shoqërisë civile, të cilat janë shpallur fituese të......
Më shumë pasagjerë, por më pak fluturime në nisje të vitit/ INSTAT: Edhe transporti i mallrave shënoi rritje me 3.8%
Në tremujorin e parë të vitit 2026, transporti ajror në Shqipëri ka shënuar zhvillime interesante, duke reflektuar një rritje të qëndrueshme të kërkesës për......
Katër porte, një dominues! Durrësi mban peshën në fillimvit/ Transporti detar, në rritje. Pjesën më të madhe e zënë metalet dhe nafta
Transporti detar në Shqipëri vijon të mbetet një nga hallkat kryesore të lëvizjes së mallrave dhe pasagjerëve, me Portin e Durrësit që ruan dominimin e tij......
Fuqizohet nënstacioni elektrik i Golemit - Karakaçi: Do të shtojmë investimet edhe në rrjetin e Porto Romanos dhe Spillesë
Ka përfunduar fuqizimi i nënstacionit elektrik të Golemit, i cili ka kaluar nga 31.5 megavat në 80 megavat tashmë dhe furnizon të gjithë zonën e Bregut nga......
Bordi i Transparencës rrit çmimin e naftës në 208 lekë/litër
Bordi i Transparencës ka vendosur rritjen e çmimit të naftës në vend, në mbledhjen e zhvilluar më 30 prill 2026. Sipas vendimit të fundit, çmimi i shitjes me......
Tregtia merr pjesën më të madhe të kredive për biznesin/ Rritja u shty edhe nga turizmi dhe sektorët e shërbimeve në Mars
Kredia e re për biznesin ka vijuar rritjen edhe në muajin mars 2026, duke konfirmuar se korporatat mbeten një nga shtysat kryesore të zgjerimit të huadhënies......
Konflikti SHBA-Iran edhe financiar / SHBA-të thonë se kanë sekuestruar gati 500 milionë dollarë kriptovaluta iraniane
Shtetet e Bashkuara kanë sekuestruar gati 500 milionë dollarë në kriptovaluta iraniane, sipas Sekretarit të Thesarit Scott Bessent, i cili tha se operacioni......
Forcohet sërish Dollari amerikan – Franga zvicerane rikuperon pikë!
Dollari amerikan sikurse edhe një ditë më parë ka regjistruar sërish rritje duke u forcuar edhe këtë mëngjes teksa është blerë sot me 81.3 lekë dhe është......
