Malazezët “tundohen” nga interesat e ulëta - Kreditë personale janë rritur me mbi 20% gjatë vitit të fundit
Qytetarët e Malit të Zi po marrin më shumë kredi se kurrë më parë. Vetëm gjatë vitit të fundit, totali i kredive personale është rritur me mbi 20%.
Sipas Bankës Qendrore të Malit të Zi, motivi kryesor është niveli i interesave, që aktualisht janë më të ulëtat në 11 vitet e fundit. Një kontribut të veçantë në këtë trend, ka dhënë edhe nisma e marsit të vitit 2024, ku të gjitha bankat në vend filluan të ofrojnë norma të posaçme interesi. Më shumë se gjysma e kredive të reja, thekson Banka Qendrore, janë miratuar me kushte më të favorshme.
“Norma mesatare efektive e interesit për kreditë familjare në gusht të këtij viti ishte 7.08%, 40 pikë bazë më pak se vitin e kaluar. Ky është niveli më i ulët që nga viti 2014. Nga marsi 2024 deri në gusht 2025, normat efektive të interesit për kreditë e reja janë ulur me plot 177 pikë bazë,” thuhet në deklaratën e Bankës Qendrore.
Edhe pse normat më të ulëta të interesit janë më të favorshme në Mal të Zi krahasuar me disa vende të rajonit, autoritetet paralajmërojnë se kjo situatë nuk është pa rreziqe. Rritja e borxhit duhet të monitorohet me kujdes, theksojnë ata. Borxhi mesatar për një qytetar adult tani arrin në pothuajse 4,600 euro, rreth 800 euro më shumë se një vit më parë.
“Shuma që një qytetar mund të marrë hua varet drejtpërdrejt nga të ardhurat e tij. Prandaj bankat bëjnë një vlerësim të kujdesshëm të aftësisë kreditore përpara se të japin një kredi,” thekson Banka Qendrore.
Sa i përket mbrojtjes së të drejtave të përfituesve, institucioni specifikon se mbrojtja e qytetarëve do të përmirësohet më tej përmes disa projekteve, që do të synojnë veçanërisht grupet më të cenueshme, si përfituesit e ndihmës sociale.
Ligji për Kreditë Konsumatore, që hyn në fuqi më 29 nëntor, përfshin kufizimin e normave të interesit dhe heqjen e tarifave për përpunimin dhe shlyerjen e parakohshme të disa kredive, përfundon Banka Qendrore.
“Ekonomia globale ende nuk e ndien dhimbjen e tarifave” - Kreu i BQE: Vetëm çështje kohe, para se barra t’i kalojë konsumatorit
Presidentja e Bankës Qendrore Evropiane (ECB), Christine Lagarde, deklaroi se ekonomia globale “ende nuk e ndien dhimbjen e tarifave doganore” të vendosura......
Vlora dhe Durrësi, me qiratë më të ulëta në Europë/ Por, regjistruan rritje gjatë 2024-ës për shkak të turizmit
Sipas raportit më të fundit të Indeksit të Pronave 2025 nga Deloitte, qytetet e Vlorës dhe Durrësit janë renditur ndër më të përballueshmet për qiramarrësit......
Qeveria britanike premton 400,000 vende të reja pune - Synon të zgjerojë sektorin e energjisë së pastër deri në vitin 2030
Britania e Madhe ka shpallur plane për të trajnuar dhe punësuar më shumë punëtorë në sektorin e energjisë së pastër. Qeveria ka premtuar krijimin e 400,000......
Cilat vende ofrojnë makinat më të shtrenjta? - Çmimet e automjeteve në Evropë. Kryeson Turqia
Krahasimi i çmimeve të makinave në të gjithë Evropën është një sfidë komplekse. Indeksi i nivelit të çmimeve për “pajisjet e transportit personal”, i......
Ndërtimi i hekurudhës Vorë-Hani i Hotit - 16 kompani nga Evropa dhe Azia, në garë për projektin 368 mln euro
16 kompani nga Evropa dhe Azia kanë shprehur interes për ndërtimin e linjës hekurudhore Vorë – Hani i Hotit. TV SCAN ka mësuar se faza e parë e......
Gratë dhe fëmijët, të ekspozuar ndaj pasigurive ekonomike/ Pavarësisht rënies së varfërisë, pabarazitë gjinore dhe sociale vazhdojnë
Të dhënat më të fundit nga Anketa e të Ardhurave dhe Nivelit të Jetesës tregojnë se rreziku për të qenë i varfër në Shqipëri ka vijuar të ulet, duke arritur......
Zgjedhjet lokale në Maqedoninë e Veriut - Partia në pushtet VMRO-DPMNE shpall fitore bindëse pas raundit të parë
Partia në pushtet, VMRO-DPMNE shpalli fitore bindëse pas raundit të parë të zgjedhjeve lokale në Maqedoninë e Veriut, më 19 tetor. VMRO-DPMNE do të ketë......
Mundësi punësimi për të gjitha nivelet arsimore - AKPA: 6000 pozicione të lira në të gjithë vendin
Agjencia Kombëtare e Punësimit dhe Aftësive ka shpallur 6000 oferta punësimi në të gjithë vendin. Qindra pozicione në sektorë të ndryshëm janë të......
