Kos: “Mali i Zi mund të jetë vendi i parë që do t’i bashkohet BE-së sipas kushteve të reja”
Komisionerja e BE-së për Zgjerimin, Marta Kos, deklaroi dje se Mali i Zi ka tre prioritete – përshpejtimi i ritmit të reformave, zbatimi i reformave në sundimin e ligjit dhe mbështetja nga të gjitha palët, shoqëria civile dhe qytetarët për procesin e pranimit në BE, raportoi Vijesti. Në një konferencë të përbashkët për shtyp me Kryeministrin e Malit të Zi Milojko Spajić, ajo tha se në vitin 2025 Mali i Zi bëri përparim dhe “u dha një shembull të fortë vendeve të rajonit”. Sipas saj, ligjet që po miratohen “duhet ta fuqizojnë vendin”.
“Çdo shtet duhet të ketë gjyqësor dhe media të pavarura… Mali i Zi mund të jetë vendi i parë që do t’i bashkohet BE-së sipas kushteve të reja. Nëse i plotësoni të gjitha kushtet, do të merrni të gjitha të drejtat si shtet anëtar… Shteti duhet të bashkojë forcat dhe ta arrijë këtë qëllim”, vërejti Kos. Kur u pyet nga gazetarët në lidhje me miratimin e Ligjit për Punët e Brendshme dhe Agjencinë për Sigurinë Kombëtare, Kos vuri në dukje se Komisioni Evropian tha se dispozitat për mbrojtjen e të dhënave ende nuk janë harmonizuar me rregullat e BE-së dhe se ato do të duhet të harmonizohen. Ajo tha se i ishte thënë se Mali i Zi po punonte për këtë, duke shtuar se BE-ja do të ndjekë zbatimin e saj. Kos theksoi se do ta pyeste Kryetarin e Kuvendit, Andrića Mandić, pse ai nuk ka ardhur ende në Bruksel.
Nga ana e tij, Milojko Spajić deklaroi se “fokusi është te sundimi i ligjit, pra te Kapitujt 23 dhe 24”. “Kemi mbyllur 14 kapituj dhe kemi edhe 19 të tjerë për të mbyllur. Këta 14 kapituj të mbyllur nënkuptojnë se jemi njëqind për qind në përputhje me rregulloret e BE-së. Nga këta 19, shumë janë në përputhje me 80, 90, 95 për qind të rregulloreve të BE-së, por derisa të arrish 100 për qind, nuk sheh një rezultat konkret”, tha Spajić.
Sipas tij, “Mali i Zi po hyn në një epokë të re evropiane”. “Përvjetori i rivendosjes së pavarësisë është momenti më i mirë që diçka e tillë të ndodhë. Tani është koha për të vërtetuar angazhimin tonë ndaj idesë së Malit të Zi Europian, tani ose kurrë. Muajt e ardhshëm do të përcaktojnë të ardhmen e vendit tonë dhe përgjegjësia për këtë u takon të gjithë aktorëve politikë. Ajo që është puna e qeverisë dhe shumicës parlamentare do të përfundojë brenda afateve të përcaktuara, të cilat ia thashë edhe Komisionerit për Zgjerim”, shkroi Spajić në X.
Më herët gjatë ditës, Komisionerja Kos pati takime edhe me Zëvendëskryeministrin për Marrëdhënie Ndërkombëtare dhe Punë të Jashtme Ervin Ibrahimoviç dhe Ministren e Çështjeve Evropiane Maida Gorçeviç. Diskutimet u përqendruan në progresin e reformave të bëra nga Mali i Zi në rrugën e tij drejt BE-së, si dhe në kuadër të Planit të Rritjes së BE-së për Ballkanin Perëndimor, i cili parashikon deri në 383.5 milionë euro për Malin e Zi, pas zbatimit me sukses të reformave.
Sot Marta Kos viziton Nikshiqin, Kryeqytetin Evropian të Kulturës 2030, do të takohet me Kryetarin e Bashkisë së Nikshiqit, Marko Kovačević dhe do të vizitojë Qendrën e Inovacionit dhe Sipërmarrjes Tehnopolis.
Analiza, cilët janë aktorët që vendosin për të ardhmen e Kubës në bisedimet me SHBA-në?
Kuba dhe Shtetet e Bashkuara kanë thënë se janë të angazhuara në bisedime dypalëshe në një kohë tensionesh të larta, me Presidentin Donald Trump që ka......
Albin Kurti pritet nga Macron në Pallatin Elize, konfirmohet partneriteti Kosovë–Francë
Presidenti francez Emanuel Macron priti në Pallatin Elize kryeministrin e Kosovës, Albin Kurti. Macron e uroi Kurtin për rizgjedhjen dhe mandatin e ri në......
SHBA-ja dhe Kosova bisedojnë për zgjerimin e mundësive në fushën e energjisë dhe minierave
E ngarkuara me punë në Ambasadën amerikane në Prishtinë, Anu Prattipati, ka biseduar me ministren e Ekonomisë të Kosovës, Artane Rizvanolli, për zgjerimin e......
Takimet në Ambasadën e SHBA: Marrëveshje të drejta për kompanitë amerikane që bëjnë biznes në Shqipëri
Në një njoftim të shpërndarë nga Ambasada e SHBA në Tiranë, njoftohet për takimet që e Ngarkuara me Punë Nancy VanHorn ka patur së fundi me......
"Evropa fillon këtu", Ministrat Hoxha dhe Pirdeni tur dialogu me studentët për procesin e integrimit europian
Ministri për Evropën dhe Punët e Jashtme, Ferit Hoxha, së bashku me Ministren e Shtetit për Administratën Publike dhe Antikorrupsionin, Adea Prideni nisën......
“Shqipëria, sovranitet energjetik deri në 2030” - Karakaçi: Po punojmë me ndërkombëtarët që të krijojmë një fond financimi dhe eficience energjie
Deri në vitin 2030 synohet që Shqipëria të mos varet më nga importi i energjisë dhe të krijojë kështu një sovranitet energjetik. Kështu është shprehur......
“Shqipëria, ofertë shumë të mirë turistike” - Gonxhja: Lufta në Lindjen e Mesme po shton vizitorët
Lufta në Lindjen e Mesme mund të rrisë turizmin në Shqipëri. Kështu deklaroi ministri I Turizmit, Kulturës dhe Sportit, Blendi Gonxhja në një konferencë për......
Zbehet interesi për titujt e qeverisë - Investimet e qytetarëve në tregun primar zbritën në 23.8 miliardë lekë gjatë 2025
Gjithnjë e më pak qytetarë po shfaqin interes për të investuar në bono thesari dhe obligacione. Sipas Autoritetit të Mbikëqyrjes Financiare (AMF), në 2025......
