Ethet e Nilit Perëndimor “mbërrijnë” në Itali - Një rast në kryeqytet dhe dy raste të dyshuara në Latina
Rasti i parë i Etheve të Nilit Perëndimor është konfirmuar në Itali dhe dy raste të tjera të dyshuara po presin ende hetime të mëtejshme. Infeksioni i një pacienti u konfirmua nga Instituti Spallanzani në Romë, ndërsa rezultatet e testeve për dy të tjerë janë në pritje. Gjetjet fillestare sugjerojnë se ata janë dy 70-vjeçarë pa lidhje me njëri-tjetrin nga Latina ku edhe po trajtohen. Sipas mediave italiane aktualisht nuk ka arsye për shqetësim në lidhje me gjendjen shëndetësore të dy pacientëve.
Ethet e Nilit Perëndimor janë një sëmundje e shkaktuar nga virusi i Nilit Perëndimor, një virus i familjes Flaviviridae i izoluar për herë të parë në vitin 1937 në Ugandë, konkretisht në distriktin e Nilit Perëndimor nga ku buron dhe emri i tij. Virusi është i përhapur në Afrikë, Azinë Perëndimore, Europë, Australi dhe Amerikë.
Rezervuarët e virusit janë zogjtë e egër dhe mushkonjat, pickimet e të cilëve janë mjeti kryesor i transmetimit tek njerëzit. Mënyra të tjera të dokumentuara të infeksionit, megjithëse shumë më të rralla, përfshijnë transplantet e organeve, transfuzionet e gjakut dhe transmetimin nga nëna tek fëmija gjatë shtatzënisë. Ethet e Nilit Perëndimor nuk transmetohen nga personi në person përmes kontaktit me individë të infektuar. Virusi infekton edhe gjitarë të tjerë, veçanërisht kuajt, por në disa raste edhe qentë, macet, lepujt dhe të tjerë.
Diagnoza bëhet kryesisht përmes testeve laboratorike të kryera në serum për të zbuluar antitrupat IgM. Këto antitrupa mund të vazhdojnë për periudha shumë të gjata tek individët e infektuar deri në një vit, kështu që një rezultat pozitiv në këto teste mund të tregojë edhe një infeksion të mëparshëm. Mostrat e mbledhura brenda 8 ditëve nga fillimi i simptomave mund të jenë negative, kështu që këshillohet të përsëritet testi laboratorik pas një periudhe kohore para se të përjashtohet sëmundja. Si alternativë, diagnoza mund të bëhet edhe përmes PCR ose kulturës virale.
Nuk ka terapi specifike për ethet e Nilit Perëndimor. Në shumicën e rasteve, simptomat zhduken vetë pas disa ditësh ose mund të vazhdojnë për disa javë. Në raste më të rënda, shtrimi në spital është i nevojshëm, ku trajtimet përfshijnë lëngje intravenoze dhe frymëmarrje të asistuar.
Gjatë vitit të kaluar, në stinën e verës, virusi i Etheve të Nilit Perëndimor preku edhe Shqipërinë, ku si pasojë e tij humbën jetën tre persona.
Ekskluzive/ Cilat janë subjekte në “shënjestër” për faturat? - Binaj: Aksioni do të shtrihet në të gjithë vendin, synohet rritja e sigurisë ushqimore
Administrata tatimore ka nisur një aksion në terren për t’u siguruar që të gjitha produktet bujqësore dhe blegtorale në vend, të blihen me faturë. Në një......
Ndërhyrje në Tunelin e Krrabës - ARRSH bën gati tenderin, ka deformim rruge në të dy tubat
Tuneli i Krrabës, në autostradën Tiranë - Elbasan do t’i nënshtrohet ndërhyrjeve për riparimin e defekteve në dyshemenë e tij. Autoriteti Rrugor Shqiptar e......
Yield-i i bonove 12-mujore, “në rënie të lirë” - Ulja e normës bazë të interesit ndikoi në tkurrjen e tij në ankandin e fundit
Norma mesatare e interesit të bonove të thesarit me maturim 12-mujor ka regjistruar një tjetër rënie. Në ankandin e zhvilluar këtë javë, yeld-i mesatar i......
Bashkëpunim mes Universitetit të Tiranës dhe Kievit - Hoxha: Mundësi reciproke për të shkëmbyer studiues, studentë, profesorë
Universiteti i Tiranës dhe Universiteti Ndërkombëtar Europian i Kievit, nënshkruan një marrëveshje bashkëpunimi arsimor dhe kërkimor. Qëllimi i kësaj......
Paketa e Maleve/ Rama publikon hartën: 787 aplikantë në vetëm 5 ditë!
Kryeministri Edi Rama ka publikuar një hartë të aplikimeve për “Paketën e Maleve”, duke e cilësuar si një zhvillim frymëzues në mbështetjen e zonave......
Anëtarësimi i Shqipërisë në BE/ Kos: Bisedimet po përparojnë më shpejt se kurrë!
Komisionerja europiane për Zgjerimin, Marta Kos vlerësoi se bisedimet e anëtarësimit në Bashkimin Europian me Shqipërinë po përparojnë më shpejt se......
Maji shënon rekorde për turizmin/ Vizitorët në vend u rritën me 31.8%, kryesojnë shqiptarët e Kosovës
Gjatë muajit maj 2025, turizmi në Shqipëri ka shënuar rritje të ndjeshme, duke reflektuar lulëzimin e vazhdueshëm të këtij sektori në vend. Gjithnjë e më......
Zonat informale në Shkodër/ Gonxhja: 68 milionë lekë investime për përmirësimin e kushteve të jetesës!
Ministri i Ekonomisë, Kulturës dhe Inovacionit, Blendi Gonxhja, njoftoi sot se në kuadër të Programit Kombëtar të Strehimit, në bashkinë Shkodër do të nisë......
