Rriten eksportet e Kosovës - Zgjerohet tregtia me BE dhe CEFTA
Të dhënat e Agjencisë së Statistikave të Kosovës tregojnë se, megjithëse eksportet janë rritur me 15.7 për qind në baza vjetore, importet vazhdojnë të dominojnë tregtinë e jashtme të vendit, me një vlerë prej 638.6 milionë euro.
“Eksporti i mallrave në muajin maj 2026 kishte vlerën 94,1 milionë euro, ndërsa importi 638,6 milionë euro, që është një rritje prej 15,7% për eksport, si dhe një rritje prej 5,6% për import, duke krahasuar me periudhën e njëjtë të vitit 2025”, thuhet në njoftim.
ASK thekson se grupet kryesore të eksportit janë 27,5% metalet bazë dhe artikujt prej tyre; 11,1% e përbëjnë plastika, goma dhe artikujt prej tyre; 10,7% e përbëjnë ushqimet e përgatitura, pijet dhe duhani; 8,9% e përbëjnë artikujt e ndryshëm të prodhuar; 8% e përbëjnë produktet minerale; etj.
Ndërsa sipas të dhënave të grupeve kryesore të importit: 15,2% e përbëjnë produktet minerale, 12,6% e përbëjnë ushqimet e përgatitura, pijet dhe duhani, 12% e përbëjnë makineritë, pajisjet mekanike dhe elektrike; 11,7% e përbëjnë mjetet e transportit; 10,8% e përbëjnë metalet bazë dhe artikujt prej tyre; etj.
Sipas ASK-së, eksportet e Kosovës në vendet e BE-së arritën në 30,8 milionë euro, ose rreth 32,7% e eksporteve të përgjithshme, me një rritje prej 6,3 %. Partnerët kryesorë për eksportin e mallrave në BE ishin: Gjermania (9,9%), Italia (4,9), Holanda (2,7%), etj.
Importet e Kosovës nga vendet e BE-së ishin rreth 301,3 milionë euro, ose 47,2% e importeve të përgjithshme, me një rritje prej 13,7%. Importet me pjesëmarrje me të lartë ishin nga: Gjermania (13,1%), Italia (8,8%), Polonia (4,1%), etj.
Eksportet e Kosovës me vendet e CEFTA-s arritën në 43,1 milionë euro, ose 45,7 % të eksporteve të përgjithshme, me një rritje prej 24,6 %. Partnerë kryesorë për eksport nga vendet e CEFTA-s ishin: Maqedonia e Veriut (16,4%), Shqipëria (14,8%), Mali i Zi (6,6%), Serbia (6,4%), etj.
Importet nga vendet e CEFTA-s arritën në 85,3 milionë euro, ose 13,4% të importeve të përgjithshme, me një rritje prej 22,5%. Vendet me pjesëmarrje më të lartë për import ishin: Maqedonia e Veriut (4,9%), Shqipëria (4,1%), Serbia (3,2%).
“Kërkesë e fortë, ofertë më e shtrënguar për kredi” - Raporti i BEI për bankat e Evropës Qendrore, Lindore dhe Juglindore
Bankat në Evropën Qendrore, Lindore dhe Juglindore (CESEE) presin që kërkesa për kredi të mbetet e fortë për bizneset dhe familjet në gjashtë muajt e......
Çmimet e konsumit në të gjithë Evropën - Cilat vende janë më të shtrenjta dhe më të lira?
E njëjta shportë blerjesh mund të kushtojë pothuajse katër herë më shumë, në varësi të vendit ku ndodheni në Evropë. Por cilat vende janë më të shtrenjtat......
“Vendet jashtë euros nuk po përparojnë në anëtarësim” - BQE publikon raportin: Ende larg plotësimit të kritereve
Vendet e Bashkimit Evropian jashtë euros kanë bërë pak ose aspak përparim në konvergjencë vitet e fundit dhe madje edhe Hungaria, vendi që po diskuton më......
Korça "rrëzon" Fierin nga froni i grurit/ Rreth 1 në 4 kg vjen nga qarku juglindor. Prodhimi zbret në nivelin më të ulët
Prodhimi bujqësor në Shqipëri arriti në 9.7 milionë tonë gjatë vitit 2025, ndërsa drithërat vijojnë të mbeten një nga grupet më të rëndësishme të kulturave......
Transporti urban përjashtohet nga detyrimi për POS - Ministria e Financave: Nuk janë të detyruar të pajisen me terminale pagese
Operatorët që ofrojnë shërbimin e transportit publik urban nuk do të jenë të detyruar të pajisen me terminale POS/POI për kryerjen e pagesave elektronike.......
Numri total i të punësuarve ra lehtë gjatë 2025-ës/ Punonjësit me pagë dhe të vetëpunësuarit rriten, ndërsa puna familjare bie
Struktura e punësimit në Shqipëri ka ndryshuar gjatë vitit 2025, ku tendenca kryesore është rritja e peshës së punonjësve me pagë dhe tkurrja e formave......
Prodhimi bujqësor arrin në 9,7 milionë ton - Vitit 2025/ Rriten perimet, më pak drithra, fruta dhe ullinj
Fermerët shqiptarë kanë prodhuar rreth 9,7 milionë ton produkte bujqësore gjatë vitit 2025. Referuar të dhënave zyrtare të Institutit të Statistikave,......
Si ndryshoi struktura e blegtorisë gjatë vitit 2025? Numri i koshereve u rrit me 9.8%, ndërsa rënia më e fortë u regjistrua te derrat
Gjatë vitit 2025, sektori i blegtorisë në vend ka shënuar disa ndryshime në strukturë dhe në nivelin e prodhimit krahasuar me një vit më parë. Sipas të......
