Kosova Postuar më 10 Janar 2025, 14:40

Kosova importoi 53.000 ton mish në 2024 - Vlera e importeve arriti mbi 117 milionë euro

Nga Kristi Ceta

Kosova importoi 53.000 ton mish në 2024 - Vlera e importeve arriti mbi 117

Kosova ka importuar rreth 53 mijë ton mish nga vendet e ndryshme të botës në vitin 2024. Vlera e importeve arriti në 117 milionë euro, 11 milionë më shumë se në 2023. 

Në vitin që lamë pas, Kosova importoi 53 mijë ton mish nga vende të ndryshme të botës. Sipas të dhënave zyrtare të Doganës së Kosovës, vlera e importit të mishit për 2024 ishte mbi 117 milionë euro.

Dogana liston mishin në vendin e 12 për sa i përket produkteve më të importuara përgjatë vitit.

Krahasuar me vitin 2023, sasia e importit të produkteve të mishit nuk ka pasur shumë ndryshime, mirëpo vlera është rritur më shumë se 10 milionë euro. Kjo rritje ka gjasa të ketë ardhur si rrjedhojë e inflacionit në vendet e origjinës.

Dogana e Kosovës informon se në 2023 janë importuar 52 mijë ton mish, me një vlerë prej 106 milionë eurosh, rreth 11 milionë më pak se në vitin që lamë pas. Ndërsa në 2017, sasia e importit të mishit ishte rreth 40 milionë kilogramë.

Ndërkaq, çmimi mesatar i mishit të gjedhit në 2024 ka arritur rekord të rritjes në 10 vitet e fundit në Kosovë, në 8.98 euro për kilogram në nëntor të këtij viti. Kjo është një rritje prej 2 euro e 50 centësh për kilogram ose 38.46 për qind më shtrenjtë krahasuar me vitin 2014.

Çmimi i mishit në disa dyqane të vendit ka arritur deri në 10 euro për kilogram.

 

Sondazh

Poll

Live TV

Të fundit
Të gjitha lajmet

Më të vizituarat