Plani i BE, shkurtim drastik i kohës së udhëtimit me tren midis kryeqyteteve deri në 2040
Nga kryeqyteti në kryeqytet vetëm në pak orë: BE do të shpejtojë udhëtimin me tren brenda Evropës. Për ta arritur këtë, duhet të modernizohen rrjetet dhe të investohen miliarda euro. Sipas Komisionit Evropian, kohët e udhëtimit me tren midis qyteteve kryesore evropiane duhet të zvogëlohen në mënyrë drastike deri në vitin 2040, jo më vonë. Një plan veprimi për trenat me shpejtësi të lartë i paraqitur në Bruksel parashikon lidhjen e qendrave qendrore me shpejtësi prej 200 kilometrash në orë e më shumë. Qëllimi është gjithashtu që udhëtimi me tren të jetë një alternativë edhe më tërheqëse ndaj fluturimeve me distanca të shkurtra. Kështu, në të ardhmen, udhëtarët do të jenë në gjendje të udhëtojnë, për shembull, nga Berlini në Kopenhagen në katër orë në vend të shtatë orëve, ose nga Mynihu në Romë në gjashtë orë në vend të nëntë orëve e gjysmë. Një udhëtim nga Berlini në Vjenë nëpërmjet Pragës mund të zgjasë vetëm katër orë e gjysmë në vend të më shumë se tetë orëve. “Përmirësimi i kohëzgjatjes së udhëtimit midis kryeqyteteve evropiane është rezultat i prekshëm dhe pragmatik i angazhimit tonë për ta bërë Evropën më të bashkuar dhe efikase”, tha zëvendëspresidenti i Komisionit Raffaele Fitto.
Ideja e një rrjeti hekurudhor evropian me shpejtësi të lartë
Projekti është pjesë e Rrjetit Trans-Evropian të Transportit (TEN-T), i cili ka nxitur ndërthurrjen e infrastrukturës brenda BE prej vitesh. Tani, fokusi është gjithnjë e më shumë në lidhjet me shpejtësi të lartë.
Ideja e një rrjeti hekurudhor evropian me shpejtësi të lartë nuk është e re. Lidhjet e para hekurudhore ndërkufitare me shpejtësi të lartë, të tilla si linjat me trenat Thalys dhe Eurostar, u bënë të njohura që në vitet 1990. Megjithatë, shumë projekte kanë dështuar për shkak të interesave kombëtare, pengesave teknike ose mungesës së fondeve. Plani i ri i veprimit i Komisionit Evropian është një përpjekje për të kapërcyer sistematikisht këto pengesa dhe për t'i dhënë përparësi të re çështjes, edhe brenda kontekstit të Paktit të Gjelbër dhe objektivave klimatike. Shumë linja nuk janë gati për hekurudhën me shpejtësi të lartë. Nevojiten shina të reja, stacione të modernizuara dhe teknologji sinjalizimi digjitale. Sisteme të ndryshme elektrike, gjerësia e shinave, standarde sigurie dhe procedura të ndryshme ndërlikojnë operacionet ndërkufitare.
BE i vlerëson kostot në rreth 350 miliardë euro
Sipas Komisionit, kostoja e përfundimit të të ashtuquajturit rrjet me shpejtësi të lartë TEN-V vlerësohet në rreth 345 miliardë euro deri në vitin 2040. Nëse do të synohen shpejtësi edhe më të larta, që qartësisht tejkalojnë 250 km/orë, mund të nevojiten deri në 546 miliardë euro deri në vitin 2050.
Për të inkurajuar kompanitë hekurudhore që të zbatojnë planet, Komisioni Evropian planifikon të heqë pengesat e mbetura për transportin hekurudhor ndërkufitar dhe të zhvillojë një strategji të re financimi. Për më tepër, synon të përmirësojë kushtet kornizë për industrinë dhe operatorët hekurudhorë, si dhe të nxisë kërkimin dhe inovacionin. Zgjerimi i rrjetit do të kërkojë investime private, si dhe kredi dhe garanci nga institucione financiare si Banka Evropiane e Investimeve (BEI) dhe institucionet kombëtare të zhvillimit, tha Komisioni. DW
Një marrëveshje e re për zhvillimin e qëndrueshëm të ndërmarrjeve në Shqipëri!
Sot, AIDA dhe Organizata Ndërkombëtare e Punës (ILO) nënshkruan një marrëveshje bashkëpunimi për institucionalizimin e programit SCORE – që synon rritjen e......
Diskutimet për buxhetin 2026, Spiropali: Rijetëzim dhe fuqizim i diplomacisë ekonomike
Në 2026-tën, procesi i integrimit të Shqipërisë në BE, hyn në kapitullin e tij vendimtar. Kështu deklaroi Ministrja Elisa Spiropali nga Komisioni Parlamentar......
Rivitalizim urban në qytetin e Vlorës - FSHZH, investim 150 mln lekë për infrastrukturën
Fondi Shqiptar i Zhvillimit ka shpallur hapjen e garës për investime për infrastrukturën e tregjeve, hapësirave tregtare, multifunksionale, rrugë tregtare në......
12 mln vizita dhe 44 milionë transaksione në e-Albania/ Aplikimet për pasaportë dhe certifikatat elektronike, më të kërkuarat
Platforma qeveritare e-Albania po shënon shifra rekord në përdorim, duke konfirmuar se qytetarët shqiptarë po i drejtohen gjithnjë e më shumë shërbimeve......
Faturat e qirave, barrë për konsumatorët/ Udhëheqin rritjen e çmimeve në tetor. Inflacioni vlerësohet në 2.3%
Në muajin tetor 2025, Indeksi i Çmimeve të Konsumit arriti në 120,3, krahasuar me bazën e dhjetorit 2020. Sipas të dhënave zyrtare, inflacioni vjetor u......
Suficiti tregtar i Gjermanisë, në rënie të lirë - Arrin nivelin më të ulët që nga tetori i vitit të kaluar
Teprica tregtare e Gjermanisë u tkurr më tej në shtator, duke arritur në nivelin më të ulët që nga tetori 2024, pasi rritja më e fortë se sa pritej e......
Avionë zjarrfikës, armatim, infrastrukturë dhe teknologji - Ministria e Mbrojtjes rrit kapacitetet, 59 mld lekë investime në vitin 2026
Me një buxhet total prej rreth 59 miliardë lekësh, Ministria e Mbrojtjes pritet të kryejë një sërë investimesh të rëndësishme për vitin 2026. Në forcat......
“Pensionet, të promovohet shtylla e dytë dhe e tretë” - Minxhozi: Banka e Shqipërisë rekomandon rishikimin e parametrave të skemës
Në kushtet kur deficiti i skemës së sigurimeve shoqërore dhe shëndetësore vijon të jetë një barrë e konsiderueshme për buxhetin e shtetit, Banka e Shqipërisë......
