“Më mirë tanke sesa makina” - Prodhimi i pajisjeve ushtarake mund të “ringjallë” ekonominë gjermane
Kompanitë gjermane të mbrojtjes që kërkojnë më shumë kapacitete ndërsa Evropa përgatitet të rrisë shpenzimet ushtarake, po shohin me vëmendje industrinë e dëmtuar të makinave. Kjo është shenja e parë e një ndryshimi që mund të ndihmojë në ringjalljen e ekonomisë më të madhe të kontinentit pas dy vitesh tkurrje.
Ndërtuesit e tankeve, radarëve dhe armëve po kërkojnë të rrisin prodhimin, teksa Evropa i përgjigjet presionit të SHBA-së për të forcuar mbrojtjen e saj. Ndërsa prodhuesit e makinave, që kanë fuqizuar për dekada ekonominë e Gjermanisë, po shkurtojnë vendet e punës dhe po mbyllin fabrikat, për shkak të ngadalësimit të kërkesës dhe tranzicionit të automjeteve elektrike.
Rheinmetall, prodhuesi më i madh i municioneve në Evropë, tha javën e kaluar se do të ripërdorte dy fabrika që aktualisht prodhojnë pjesë automobilistike për të prodhuar kryesisht pajisje mbrojtëse. Hensoldt, që prodhon sistemet e radarëve, është në bisedime për të marrë rreth 200 punëtorë nga furnizuesit kryesorë të pjesëve të automjeteve Bosch dhe Continental.
Liderët evropianë kanë rënë dakord se duhet të shpenzojnë më shumë për ushtritë e tyre në një samit urgjent në Londër, pas një përplasjeje publike midis presidentëve Donald Trump dhe Volodymyr Zelenskiy.
Disa ditë pas mbledhjes, palët në bisedime për të formuar qeverinë e re të Gjermanisë njoftuan propozimet për të krijuar një fond prej 500 miliardë eurosh për infrastrukturën dhe për të ndryshuar rregullat e huamarrjes, që të rritin masivisht shpenzimet e mbrojtjes.
Sipas vlerësimeve të institutit të ekspertëve Bruegel, Evropa mund të ketë nevojë për 300,000 trupa shtesë dhe një rritje afatshkurtër vjetore të shpenzimeve të mbrojtjes prej të paktën 250 miliardë eurosh "për të penguar agresionin rus".
Një kthesë drejt prodhimit të mbrojtjes mund t'i japë një shtysë ekonomisë gjermane, e cila është kthyer në pengesë, pasi bizneset përballen me kostot e larta të energjisë, si dhe burokracinë dhe konkurrencën agresive nga jashtë.
Instituti Kiel për Ekonominë Botërore vlerëson se produkti i brendshëm bruto i Bashkimit Evropian mund të rritet me 0,9-1,5% në vit nëse vendet e BE-së zgjerojnë shpenzimet ushtarake në 3,5% të PBB-së nga objektivi aktual prej 2% i NATO-s. Për Gjermaninë, me infrastrukturën e saj ekzistuese industriale, rritja e PBB-së ka të ngjarë të jetë më e madhe se e shteteve të tjera.
Rritja e shpenzimeve të mbrojtjes në 3% të PBB-së do të dyfishonte investimet vjetore të Gjermanisë në 25.5 miliardë euro, do të krijonte 245,000 vende pune direkte dhe indirekte, si dhe do të nxiste afro 42 miliardë euro në aktivitet prodhimi dhe shërbimi çdo vit.
Shifrat më të fundit të disponueshme tregojnë se industria e sigurisë dhe mbrojtjes në Gjermani punësoi 387,000 njerëz në vitin 2022, rreth gjysmën e totalit në sektorin e automjeteve atë vit. Shitjet e industrisë së mbrojtjes arritën në 47 miliardë euro në vitin 2022, krahasuar me 506 miliardë euro për sektorin e makinave.
Përdorimi i kapaciteteve rezervë në sektorin e makinave do të ndihmonte në ruajtjen e infrastrukturës prodhuese të Gjermanisë dhe në rritjen e prodhimit të pajisjeve ushtarake.
Analistët në Deutsche Bank paralajmëruan, megjithatë, se rritja e shpenzimeve të mbrojtjes së BE-së mund të mos sjellë përfitime të rëndësishme për industrinë vendase, e cila është më e fragmentuar se homologia e saj amerikane.
Ish-shefi i Bankës Qendrore Evropiane, Mario Draghi, në një raport të fundit mbi konkurrencën e Evropës, tha se nga mesi i vitit 2022 deri te mesi i vitit 2023, gati katër të pestat e shpenzimeve të prokurimit të mbrojtjes të BE-së shkuan për furnizuesit jashtë BE-së.
Sondazh
Demonstrata të reja mbarëkombëtare dhe përleshje të dhunshme shpërthejnë në Greqi! Arsyeja, aksidenti fatal i vitit 2023!
Protestuesit në Athinë lëshuan bomba benzine dhe fishekzjarre në përleshjet me policinë të mërkurën mbrëma, pas një valë të re demonstratash mbarëkombëtare......
Rreth 515 mln dëme të paguara për sigurimin motorik - AMF: 86% nga jo-jeta. Bien ato të mbuluara nga Fondi i Kompensimit
Në 686 milionë lekë ka arritur vlera e dëmeve të paguara nga kompanitë e sigurimit në janar të këtij viti. Të dhënat më të fundit nga Autoriteti i......
Ekskluzive Reuters: Si BQE shmangu një katastrofë pagesash në 10 orë defekti teknik?!
Defekti i pagesave të Bankës Qendrore Europiane javën e kaluar bëri që pagat dhe fondet e mirëqenies të vonoheshin për mijëra njerëz dhe kjo mund të kishte......
"Luftë tarifore, luftë tregtare ose çdo lloj lufte" – Kina: Jemi të gatshëm të luftojmë SHBA-në deri në fund!
Kina tha se ishte e përgatitur për të luftuar "çdo lloj lufte" me SHBA-në, ndërsa Presidenti Donald Trump rrit presionin ekonomik dhe politik mbi vendin.......
Çmimet e arit janë në nivele rekord! – Por pse investitorët janë ende të interesuar për të?
Çmimet e arit janë rritur më shumë se 12% në vitin e deritanishëm dhe vazhdojnë të arrijnë nivele rekord. Pasiguria globale është një arsye që i shtyn......
Trump pezullon përkohësisht tarifat ndaj prodhuesve të makinave në Meksikë dhe Kanada!
Presidenti i SHBA Donald Trump u jep prodhuesve të automjeteve në Meksikë dhe Kanada një përjashtim tarifor për një muaj pas negociatave me figurat kryesore......
“Shqipëria, superfuqi energjetike e rajonit” - Berisha: Do përdorim çdo burim për të ua shitur shqiptarëve më lirë energjinë
Partia Demokratike ka prezantuar programin për energjinë dhe burimet natyrore. Kreu i kësaj force politike, Sali Berisha u shpreh se “duam që Shqipërinë ta......
Kursi i këmbimit/ Dobësohen ndjeshëm Dollari amerikan dhe Franga zvicerane!
Dollari amerikan ka vijuar rënien edhe këtë mëngjes duke humbur sërish pikë nga dita e djeshme teksa është blerë sot me 91.3 lekë dhe është shitur me 93.3......
