Europa Postuar më 29 Nëntor 2024, 11:50

Kreu i BQE, mesazh për Trump - Lagarde bën thirrje për negociata me SHBA për të shmangur tarifat tregtare

Nga Kristi Ceta

Kreu i BQE, mesazh për Trump - Lagarde bën thirrje për negociata

Presidentja e Bankës Qendrore Evropiane, Christine Lagarde u shpreh se Bashkimi Evropian mund të jetë në një pozitë më të mirë nëse bisedon me Shtetet e Bashkuara për tarifat e mundshme tregtare, në vend që të vendosë menjëherë kundërmasa.

“Duket se gabojmë më shumë në atë që unë do ta quaja një strategji kundërmasash,” tha ajo për Financial Times në një intervistë, duke theksuar se herën e fundit strategjia e BE-së ishte “jo për t'u hakmarrë, por për të negociuar”.

Lagarde përsëriti paralajmërimet e mëparshme mbi efektet negative të një lufte tregtare të plotë dhe tha se BE mund të bëjë blerje të caktuara nga Shtetet e Bashkuara dhe të sinjalizojë se janë të përgatitur për t’u ulur në tryezë e për të bashkëbiseduar.

“Mendoj se ky është një skenar më i mirë se një strategji e pastër hakmarrjeje, e cila mund të çojë në një proces shkak-pasojë, ku askush nuk është me të vërtetë fitues,” tha ajo.

Presidenti i sapozgjedhur i SHBA, Donald Trump bëri fushatë për të prezantuar tarifa të mundshme kundrejt vendeve të Bashkimit Evropian dhe ka përsëritur kërcënime të tilla ditët e fundit.

“Kur filloni të konsideroni një luftë tregtare, së shpejti mund të shihni një përshkallëzim, i cili për mendimin tim ka vetëm aspekte negative. Kjo nuk mund të jetë në interesin e askujt dhe do të nxiste një ulje globale të Prodhimit të Brendshëm Bruto.”

Lagarde tha se ishte shumë herët për të llogaritur ndikimin e tarifave të mundshme të Trump. Megjithatë, ajo sugjeroi se, në periudhën afatshkurtër, këto tarifa mund të çojnë potencialisht në një rritje të inflacionit, për shkak të kostove të shtuara që imponojnë.

 

Sondazh

Sa ju bindin programet ekonomike të partive për zgjedhjet e 11 majit 2025?

  • Janë të detajuara dhe të realizueshme
  • Kanë ide të mira, por mungojnë detajet e zbatimit
  • Janë premtime të parealizueshme

Live TV

Të fundit
Të gjitha lajmet

Më të vizituarat

Video