Karriera Kontakt
English
Live TV

Tregjet

S&P 500
5626,66
1,87%
Nasdaq
17714,19
2,32%
10-Yr Bond
4,3
0,54%
FTSE 100
8632,33
1,04%
Crude Oil
67,08
0,79%
Gold
2999,7
0,28%
EUR/USD
1,09
0%
Europa Postuar më 17 Shkurt 2025, 12:10

Gjermani, tregu i punës po “humb shkëlqimin”- Për herë të parë në 10 vjet, numri i të papunëve do të arrijë 3 milionë

Nga Kristi Ceta

Gjermani, tregu i punës po “humb shkëlqimin”- Për

Për pjesën më të madhe të 20 viteve të fundit, reformat e tregut të punës të ish-kancelarit Gerhard Schröder kanë siguruar punësimin në Gjermani. Por modeli është duke shfaqur probleme gjithnjë e më shumë, për shkak të krizës industriale dhe hendekut në rritje të aftësive.

Është vetëm çështje muajsh derisa numri i të papunëve në Gjermani të arrijë në 3 milionë për herë të parë në një dekadë, pasi kompanitë falimentojnë ose heqin dorë nga pritshmëritë për një kthesë pozitive që refuzon të vijë. Pas mbylljes së shumë fabrikave në industritë me intensitet të lartë në vitin 2022, sektori kryesor i automobilave u dorëzua vitin e kaluar, me Volkswagen dhe të tjerë që njoftuan mijëra shkurtime të vendeve të punës.

Kjo po sjell efekte negative në të gjithë sektorët më të vegjël që “ushqehen” nga gjigantët e prodhimit. Instituti kërkimor me bazë në Mynih, Ifo, tregon se "pothuajse të gjitha degët e industrisë në Gjermani duan të zvogëlojnë numrin e tyre të punonjësve".

Në fillim të vitit, numri i njerëzve të papunë u rrit me 11,000, në 2.88 milionë, ose 6.2 për qind e fuqisë punëtore. Shkalla e papunësisë tani është në nivelin më të lartë në më shumë se katër vjet, vetëm pak më poshtë se kur arriti kulmin gjatë pandemisë. Kreu i sondazheve të Ifo-s, tha se pret që listat e të papunëve të arrijnë shifrën e rëndësishme prej 3 milionësh deri në mes të vitit.

Ky numër është ende shumë nën ditët e errëta të fillimit të viteve 2000, kur industria gjermane zhvendosi pjesën më të madhe të zinxhirit të furnizimit në Evropën Qendrore, duke kërkuar të shfrytëzojë kostot shumë më të ulëta të punës në ato vende. Ai eksod e çoi papunësinë në mbi 5 milionë, përpara se reformat e Schröder të ndryshonin trendin.

Megjithatë, për shkak të faktorëve të ndryshëm, numri i të papunëve nuk pasqyron shtrirjen e plotë të rënies. Zbatimi më i madh i skemave të pensioneve të parakohshme, subvencionet shtetërore për shkurtimin e orarit të punës dhe një kolaps në pozicionet e lira sugjerojnë se gjërat janë më keq sesa dëshmojnë shifrat zyrtare.

Por ajo që ka goditur Gjermaninë në vitet e fundit është strukturore dhe jo e përkohshme. Humbja e furnizimeve të lira të energjisë dhe konkurrenca më e gjerë dhe më agresive nga Kina, veçanërisht në sektorin vendimtar të automobilave, kanë pasur ndikim të madh ekonomik në vend.

Një qeveri e re, pas zgjedhjeve të planifikuara për në 23 shkurt, mund të ndihmojë në reduktimin e pasigurive të fundit, që kanë kontribuar në rritjen e papunësisë. Megjithatë, do të duhet kohë përpara se të ndihet ndonjë ndikim.

Sondazh

Poll

Live TV

Të fundit
Të gjitha lajmet

Më të vizituarat

Video