Europa Postuar më 26 Gusht 2025, 10:51

Gjermani, klima e biznesit përmirësohet papritur - Në nivelin më të lartë në 15 muaj. Por, perspektiva ekonomike mbetet e dobët

Nga Kristi Ceta

Gjermani, klima e biznesit përmirësohet papritur - Në nivelin

Klima e biznesit në Gjermani u përmirësua në muajin gusht, duke arritur nivelin më të lartë në më shumë se një vit. Megjithatë, perspektiva ekonomike mbetet e dobët, me rritje të ngadaltë dhe sfida të shumta.

Ndjenja e biznesit në Gjermani u përmirësua papritur në gusht, duke arritur në nivelin më të lartë në 15 muaj, sipas një sondazhi. Megjithatë, analistët paralajmëruan se perspektiva ekonomike mbetet e dobët.

Instituti Ifo njoftoi se indeksi i klimës së biznesit u rrit në 89.0 në gusht nga 88.6 në korrik, niveli më i lartë që nga maji i vitit të kaluar. Analistët e pyetur nga Reuters kishin parashikuar një nivel prej 88.6.

“Përmirësimi nuk është i mjaftueshëm për të krijuar shpresa reale për rritje. Shumë bazohen te pritshmëritë për të ardhmen, realizimi i të cilave është i pasigurt,” shpjegojnë ekonomistët.

Rritja u shkaktua nga përmirësimi i pritshmërive midis kompanive, ndërsa situata aktuale u vlerësua pak më negative, sipas Institutit Ifo. “Rimëkëmbja e ekonomisë gjermane mbetet e dobët,” theksojnë burimet.

Ekonomia e Gjermanisë u tkurr me 0.3% në tremujorin e dytë, duke zbehur më tej pritshmëritë për një rimëkëmbje të qëndrueshme këtë. Instituti parashikon një rritje të vogël në tremujorin e tretë, me produktin e brendshëm bruto që do të rritet vetëm me 0.1%.

Organizata shtoi se pritshmëritë për eksportet janë përkeqësuar pas marrëveshjes tregtare midis BE-së dhe SHBA-së në fund të korrikut, që përcakton një tarifë bazë prej 15%. Taksat më të larta amerikane po pengojnë rritjen, ndërsa uljet e normave të interesit nga Banka Qendrore Evropiane dhe miliardat e shpenzuara për infrastrukturën nga qeveria gjermane pritet të nxisin një rimëkëmbje të moderuar, tha një ekonomist i VP Bank. “Rritja e ngadaltë e indeksit të klimës së biznesit të Ifo-s tregon se ekonomia gjermane po përparon me hapa të vegjël,” shpjegon ai.

Live TV

Të fundit
Të gjitha lajmet

Më të vizituarat