Figura e Merz përpara zgjedhjeve- Udhëheqësi konservator pritet të marrë drejtimin e ardhshëm të Gjermanisë
Teksa zgjedhjet e 23 shkurtit në Gjermani po afrojnë, udhëheqësi konservator Friedrich Merz kryeson në sondazhe me një diferencë prej rreth 8 pikësh dhe pritet të bëhet kancelari i ardhshëm i vendit.
69-vjeçari përballet me një vend që është zhytur në krizën më të keqe ekonomike ndër dekada dhe duhet të gjejë balancën midis përkrahësve konservatorë tradicionalë dhe ekstremit të djathtë të Alternativës për Gjermaninë (AfD). Ai pësoi një goditje tre javë përpara zgjedhjeve kombëtare, kur 12 prej ligjvënësve të tij refuzuan ta mbështesnin projektligjin e tij për migracionin, që nuk kaloi në parlament.
Merz, blloku konservator i të cilit ka mbajtur një epërsi të rehatshme në sondazhe gjatë gjithë fushatës, shkaktoi tensione brenda partisë së tij duke thënë se ligji ishte aq i rëndësishëm sa ai ishte i gatshëm ta miratonte atë me mbështetjen e Alternativës së ekstremit të djathtë për Gjermaninë. Drafti do të kufizonte bashkimet familjare për disa refugjatë dhe më shumë njerëz do të refuzoheshin në kufi. Dy të tretat e publikut mbështesin rregulla më të forta të imigracionit, sipas një sondazhi të fundit.
Merz, i cili është nga Sauerland i Gjermanisë, fillimisht u pa si një udhëheqës tranzicioni për konservatorët. Kur Angela Merkel u largua pas pothuajse 19 vjetësh si kryetare e partisë, ai u mposht nga kandidatë të tjerë në 2018 dhe në 2021, përpara se të fitonte përfundimisht postin në 2022.
Admiruesit e lavdërojnë Merz për taktikën e tij. Në fushatën e tij të deritanishme, recetat ekonomike të Merz janë fokusuar në uljen e taksave, reduktimin e rregulloreve dhe stimujt e punës. Ai gjithashtu mund të lirojë kufirin e shpenzimeve kushtetuese, rreptësia e të cilit e bëri sfidën e tij ligjore kaq shkatërruese, ndërsa premtoi se çdo ndryshim do të financonte investimet, jo shpenzimet.
Një i mbrojtur i Wolfgang Schaeuble, ministër i financave dhe ikonë e konservatorizmit fiskal, Merz u ngrit në krye të parlamentit në vitet 2000, përpara se të bëhej një nga disa njerëzit e fuqishëm të Merkel.
Ai u largua nga parlamenti pasi ajo u bë kancelare dhe nuk ka mbajtur kurrë poste qeveritare, por punoi për 15 vjet si lobues dhe anëtar bordi në disa kompani, duke përfshirë degët gjermane të Blackrock dhe bankën HSBC, si dhe aeroportin publik Këln-Bonn.
Merz është kritikuar më shumë se një herë për mënyrën se si u referohet emigrantëve, si për shembull kur në një emision televiziv ai iu referua djemve me prejardhje të pakicave etnike si "pashallarë të vegjël".
Komenti i tij përkoi me një rënie të mbështetjes në sondazhe. Në një rast tjetër ai tronditi disa mbështetës kur sugjeroi se refugjatët ukrainas të luftës po vinin për të mbledhur përfitime, edhe pse më vonë ai kërkoi falje.
Politika ekonomike
Në librin e tij të vitit 2008 "Guxoni më shumë kapitalizëm", Merz paralajmëroi kundër rrezikut të rregulloreve të tepruara shtetëror dhe favorizoi ekonominë e lirë të tregut. Ai ende argumenton për më pak rregullore, më pak burokraci dhe taksa më të ulëta për të nxitur rritjen. Kandidati konservator ka sulmuar qeverinë në veçanti për përpjekjet e saj drejt një ekonomie neutrale ndaj karbonit, duke favorizuar teknologji të tilla si automjetet elektronike.
Emigracioni dhe integrimi
Merz ka bërë thirrje që azilkërkuesit të refuzohen në kufijtë tokësorë të Gjermanisë duke qenë se ata kanë mbërritur atje nëpërmjet shteteve të tjera të BE-së dhe ka kritikuar përfitimet bujare të mirëqenies për refugjatët.
Ai thotë se politika e emigracionit të Gjermanisë duhet të përshtatet si me nevojat e ekonomisë, në funksion të mungesës së fuqisë punëtore të kualifikuar, ashtu edhe me aftësinë e emigrantëve për t'u integruar. Emigrantët duhet të jenë në përputhje me Leitkultur, apo me "kulturën udhëheqëse gjermane", një term që Merz e ka popullarizuar.
Ukraina
Merz ka marrë një qasje më të ashpër në mbështetje të Ukrainës sesa qeveria e Scholz, duke kërkuar furnizimin e vendit me armatim të rëndë. Ai mbështet dorëzimin e raketave Taurus dhe avionëve luftarakë në Ukrainë, një veprim që qeveria dhe publiku e kundërshtojnë.
BE
Merz, i cili ishte një ligjvënës evropian nga 1989-1994, e ka përshkruar veten si një "evropian i bindur". Edhe në opozitë, ai u takua me presidentin francez Emmanuel Macron në Paris në fund të vitit të kaluar.
Lideri konservator duket se po e pozicionon veten më afër Macron për kërcënimin e paraqitur nga Rusia, në raport me vlerësimin e Scholz.
Sondazh
Ish-të përndjekurit, gati kësti i parë i dëmshpërblimit - Trashëgimtarët kanë tre muaj afat për plotësimin e dojes
Ministria e Financave ka çelur këstin e parë të dëmshpërblimit për tashëgimtarët e ish-të përndjekurve që nuk jetojnë. Janë rreth 50 dosje të marra në......
Keni të punësuar dado, apo ndihmëse për pastrim?- Procedura/ Si deklarohen punonjësit e punësuar në familje pa pasur nevojë për nipt
Puna me orare të gjata, nevoja e punësimit për të dy prindërit si dhe angazhimet pas orarit të punës, bëjnë që çdo ditë e më shumë familjet shqiptare të kenë......
Gjermani, tregu i punës po “humb shkëlqimin”- Për herë të parë në 10 vjet, numri i të papunëve do të arrijë 3 milionë
Për pjesën më të madhe të 20 viteve të fundit, reformat e tregut të punës të ish-kancelarit Gerhard Schröder kanë siguruar punësimin në Gjermani. Por modeli......
Energjia diellore, rekord prodhimi në 2024-ën- U gjenerua rreth 489 mijë mWh, 6-fish më shumë se në vitin 2023
Energjia e prodhuar nga centralet diellore ka regjistruar një rekord historik gjatë vitit të kaluar. Të dhënat më të fundit nga Enti rregullator i Energjisë......
Kosova, 17 vjet shtet- Hapat drejt pavarësisë dhe sfidat e integrimit ndërkombëtar
Shteti më i ri në Evropë, Kosova, sot festoon 17 vite nga shpallja e pavarësisë më 2008 duke u bërë vend sovran, me institucione të pavarura dhe me simbole......
Sa e fortë është vëllazëria Shqipëri-Kosovë? Në 17 vjet pavarësi dy vendet thelluan ndjeshëm bashkëpunimin
Kosova feston 17-të vjet pavarësi dhe kështu përfaqëson shtetin e dytë shqiptar në Botë, Europë dhe rajon. Me shpalljen e pavarësisë më 17 shkurt të vitit......
Kush është Alice Weidel?- Kryetarja e së djathtës ekstreme në Gjermani renditet e dyta në sondazhe
Alice Weidel, kandidatja për kancelare e Alternativës për Gjermaninë (AfD), është një figurë publike e së djathtës ekstreme, e cila e përshkruan veten si një......
Apartament me Booking dhe AirBnb?- Pronarët, detyrim për DIVA. Penalizohen individët që nuk deklarojnë të ardhurat
Të gjithë qytetarët që japin ambiente akomodimi me qira ditore, janë të detyruar të deklarojnë të ardhurat përmes plotësimit të Deklaratës Vjetore......
