BE, 20 miliardë euro për gigafabrika të “IA” - Synon reduktimin e diferencës me SHBA-në dhe Kinën në këtë sektor
Bashkimi Evropian ka zbuluar detajet e një plani prej 20 miliardë eurosh për të krijuar vende të reja të pajisura me superkompjuterë të mëdhenj në Evropë, që do të zhvillojnë gjeneratën e ardhshme të modeleve të inteligjencës artificiale.
Duke publikuar një strategji për ta shndërruar Evropën në një "kontinent të IA-së", Komisioni Evropian tha se teknologjia do ta bëjë Evropën më konkurruese, më të sigurt dhe sovrane.
BE po përpiqet të kapë ritmin e SHBA-së dhe Kinës, të cilat kanë marrë një rol udhëheqës në këtë sektor. Në një raport të vitit 2024, asnjë vend i BE-së nuk u rendit në pesë vendet e para për inovacionin, një metrikë që merrte në konsideratë investimet private, patentat dhe kërkimin. Studimi e renditi Mbretërinë e Bashkuar në vendin e tretë pas SHBA-së dhe Kinës, me Francën në vendin e gjashtë dhe Gjermaninë në vendin e tetë.
BE tashmë ka nisur një plan për të ndërtuar 13 fabrika të inteligjencës artificiale, objekte me superkompjuterë dhe qendra të dhënash, ku studiuesit zhvillojnë dhe testojnë modelet e teknologjisë së re.
"Gigafabrikat" e reja do të jenë shumë më të mëdha, duke synuar inovacione të rëndësishme në kujdesin shëndetësor, bioteknologji, industri, robotikë dhe zbulime shkencore. Ndërsa fabrikat me performancën më të mirë kanë superkompjuterë të pajisur me deri në 25,000 procesorë të përparuar, një gigafabrikë do të tejkalonte 100,000 procesorë, sipas dokumentit.
Këto objekte të etura për energji, të cilat mund të kërkojnë sasi të mëdha uji për ftohje, duhet të funksionojnë "sa më shumë të jetë e mundur" me një furnizim me energji të gjelbër, tha një zyrtar i BE-së, me plane për "riciklimin" e ujit.
Vitin e kaluar, 47% e energjisë elektrike të gjeneruar në BE erdhi nga burime të rinovueshme, por aktivistët janë të shqetësuar se qendrat e të dhënave që kërkojnë shumë energji mund të dëmtojnë ambiciet e Evropës për klimën.
Zyrtarët e BE-së parashikojnë tre deri në pesë gigafabrika të inteligjencës artificiale në BE me një kosto prej rreth 3-5 miliardë euro secila, krahasuar me 600 milionë euro që kushton një fabrikë normale e këtij sektori. Komisioni po kërkon të mbledhë 20 miliardë euro, duke përdorur para publike për të nxitur investitorët privatë, nëpërmjet një strukture të ofruar nga Banka Evropiane e Investimeve. Blloku po kërkon gjithashtu të zhvillojë gjysmëpërçues të prodhuar në Evropë, që janë jetikë për këto fabrika.
Por komisioni u përball me kritika për gatishmërinë e rishikimit të Aktit që lidhet me inteligjencën artificiale. Rregullorja, e cila synon të kontrollojë rreziqet e paraqitura nga teknologjia inovatore, u miratua nga parlamenti Evropian vetëm vitin e kaluar dhe nuk do të jetë plotësisht e zbatueshme deri në gusht 2027. Disa ditë më parë, Komisioni tha se po niste një konsultim mbi "thjeshtimin e mundshëm" të Aktit, si pjesë e një përpjekjeje më të gjerë për të ulur burokracinë, mes shqetësimeve rreth rritjes së ngadaltë ekonomike të Evropës.
Sondazh
Mbi 600 ankesa nga bizneset në një vit-Vendosen 240 gjoba për shkelje të ndryshme, kryeson moslëshimi i faturave
Mbi 600 ankesa janë depozituar pranë administratës tatimore për subjektet gjatë vitit 2024. Konkerisht Sektori i Trajtimit të Ankesave për periudhën 1......
Dërgesat me postë, rritje me 8.7% në 2024-AKEP: Shërbimi universal postar vijon të përdoret më tepër
Mbi 25 milionë objekte të dërguara me postë. Ky është bilanci i kompanive postare gjatë vitit 2024, të cilat kanë shënuar një rritje me 8.7% të dërgesave në......
14 prill, Konferenca e Dytë Ndërqeveritare me BE-Hapet grupkapitulli për Tregun e Brendshëm
Ditën e hënë do të mbahet në Luksemburg Konferenca e Katërt Ndërqeveritare e Shqipërisë me Bashkimin Evropian për hapjen e grupkapitullit të dytë të acquis......
“Jeta dhe Vdekja” / “GOCAT” sjell përjetimet personale të Faton Kryeziut për Luftën e Kosovës!
Galeria më e madhe e artit bashkëkohor në Tiranë, “GOCAT”, krijuar nga Fondacioni Mane, ka hapur dyert për ekspozitën më të re, “Jeta dhe Vdekja”, nga Faton......
Qiradhënia e pasurive të konfiskuara - Interesi i qytetarëve sa vjen e rritet. Dyfishohen të ardhurat në tremujorin e parë
Është shtuar interesi i qytetarëve për të marrë me qira pasuritë e sekuestruara dhe konfiskuara nga shteti. Në tre muajt e parë të 2025 rezulton të jenë......
Gonxhja: Shqipëria me nivelin më të ulët historik të papunësisë!
Ministri i Ekonomisë, Kulturës dhe Inovacionit, Blendi Gonxhja, njoftoi sot se bazuar në statistikat zyrtare “Shqipëria ka shënuar një tjetër arritje......
BE dhe Kina, në bisedime për makinat elektrike - Shqyrtojnë vendosjen e çmimeve minimale dhe eleminimin e tarifave
Bashkimi Evropian dhe Kina kanë rënë dakord të shqyrtojnë vendosjen e çmimeve minimale për automjetet elektrike të prodhuara në Kinë, në vend të tarifave të......
Rreth 1.3 mld pagesa në euro me AIPS - BSH: Në tremujorin e parë, 20% më shumë veprime përmes këtij sistemi
Tre muajt e parë të 2025 kanë qenë mjaft pozitivë për sistemin AIPS EURO, me një numër dhe vlerë transfertash konsiderueshëm më të lartë se në......
