Bota Postuar më 9 Janar 2026, 11:56

Trump anulon sulmin e dytë ndaj Venezuelës - “Po bashkëpunojmë mirë. Kompanitë e naftës do të investojnë 100 mld USD”

Nga Elisabeta Dosku

Trump anulon sulmin e dytë ndaj Venezuelës - “Po

Presidenti i SHBA-së, Donald Trump, tha të premten se kishte anuluar një seri të dytë sulmesh të planifikuara ndaj Venezuelës, pasi vendi i Amerikës së Jugut bashkëpunoi. Trump tha se SHBA-të dhe Venezuela po punonin mirë së bashku, duke shtuar se të paktën 100 miliardë dollarë do të investoheshin nga kompanitë "e mëdha të naftës" në Venezuelë. Ai shtoi, megjithatë, se të gjitha anijet cisternë të naftës në Venezuelë "do të mbeten në vend për arsye sigurie".

Donald Trump njoftoi të enjten se udhëheqësja e opozitës venezueliane, Maria Corina Machado, do të jetë në Uashington javën e ardhshme dhe tha se mezi po priste ta takonte, duke shtuar se do të ishte një nder i madh nëse ajo do t'i jepte Çmimin Nobel për Paqen.

Presidenti amerikan, i cili edhe një herë vendosi se nuk është e mundur të mbahen zgjedhje në Venezuelë në këtë kohë , kishte deklaruar pas arrestimit të Nicolas Maduros nga amerikanët se Maria Corina Machado nuk është e kualifikuar për të marrë udhëheqjen e vendit.

Siç kishte argumentuar ai, Machado "nuk gëzon as mbështetje dhe as respekt brenda vendit të saj".

Pavarësisht përpjekjeve të udhëheqëses së opozitës venezueliane për të shprehur miqësinë e saj ndaj tij, Donald Trump nuk e ka kuptuar ende faktin se ajo, dhe jo ai, u zgjodh për Çmimin Nobel për Paqen, të cilin Trump e ka lakmuar prej kohësh.

Live TV

Të fundit
Të gjitha lajmet

Më të vizituarat