Bota Postuar më 22 Janar 2026, 09:55

Nafta e Venezuelës, SHBA investim 100 mld dollarë - Sekretari amerikan i Energjisë: Rritje prodhimi me 30%

Nga Dorian Koça

Nafta e Venezuelës, SHBA investim 100 mld dollarë - Sekretari amerikan

Sekretari amerikan i Energjisë Chris Wright u tha drejtuesve të kompanive hidrokarbure se prodhimi i Venezuelës mund të rritet me 30% nga niveli aktual prej 900,000 fuçish në ditë, thanë drejtuesit që morën pjesë në takim.

Rritja e prodhimit të naftës bruto nga Venezuela, e cila ndodhet në rezervat më të mëdha në botë, është një objektiv kryesor për Presidentin Donald Trump, pasi forcat amerikane arrestuan udhëheqësin e Venezuelës Nicolas Maduro.

Takimi me dyer të mbyllura i Wright me drejtuesit u zhvillua në Forumin Ekonomik Botëror të mbajtur në Davos të Zvicrës.

Vite të tëra investimesh të pamjaftueshme dhe sanksionesh kanë bërë që prodhimi i naftës në Venezuelë të perjetoj rënie. Venezuela sot përfaqëson vetëm 1% të prodhimit botëror.

Trump ka thënë se planifikon të kontrollojnë burimet e naftës për një kohë të pacaktuar, ndërsa kërkon të rindërtojnë industrinë e saj të rrënuar me një plan prej 100 miliardë dollarësh. Deri më tani, administrata e tij ka tërhequr 50 milionë fuçi naftë nga Venezuela dhe po shet një pjesë të saj në tregun e hapur.

Trump u takua me mbi 15 drejtues të naftës në fillim të këtij muaji në Shtëpinë e Bardhë, gjatë të cilit Drejtori ekzekutiv Darren Woods i tha Trump se Venezuela do të duhet të ndryshojë ligjet e saj përpara se të mund të jetë një mundësi tërheqëse investimi.

 

Live TV

Të fundit
Të gjitha lajmet

Më të vizituarat