Konflikti në Lindjen e Mesme “ndan” Evropën - Vendet nuk bien dakord mbi të drejtën e Izraelit për të sulmuar Iranin
Përplasjet brenda Bashkimit Evropian në lidhje me sulmin e Izraelit ndaj Iranit pritet të dalin në pah gjatë takimit të ambasadorëve në Bruksel, duke penguar përpjekjet e bllokut për të gjetur një përgjigje të përbashkët ndaj krizës.
"Është pa dyshim një çështje që po diskutohet: deri në çfarë mase është e pranueshme kjo e drejtë e vetëmbrojtjes", tha një burim.
BE lëshoi një deklaratë disa ditë më parë duke u bërë thirrje "të gjitha palëve të respektojnë ligjin ndërkombëtar, të mos ndërmarrin hapa të mëtejshëm që mund të shkaktojnë pasoja serioze, siç është çlirimi i mundshëm i materialit radioaktiv".
Burime të brendshme thonë se një pjesë "e madhe" e diskutimeve midis shteteve anëtare ishte nëse BE duhet të deklarojë se "Izraeli ka të drejtë të mbrohet" në kontekstin e sulmeve të tij kundër Iranit.
Rreth 15 shtete anëtare, përfshirë Austrinë, Çekinë, Francën, Gjermaninë, Hungarinë, Italinë dhe Holandën, donin ta shtonin këtë fjali, por nuk u ra dakord unanimisht. Disa vende të tjera theksuan se nuk kishte prova të mjaftueshme që Izraeli ka të drejtë të nisë ofensivën kundër Iranit.
Sipas ligjit ndërkombëtar dhe Kartës së OKB-së, një shtet mund të ushtrojë të drejtën e tij për vetëmbrojtje në rast të një sulmi të armatosur ose sulmi të afërt. Çdo veprim i nevojshëm duhet të jetë gjithashtu proporcional.
Izraeli thotë se seria e tij e sulmeve janë lëvizje parandaluese për të mos lejuar Iranin të sigurojë armë bërthamore. Çështja do të diskutohet nga ambasadorët në Bruksel të enjten dhe është një pikë e rendit të ditës për samitin e krerëve të shteteve dhe qeverive të BE-së javën e ardhshme.
Ndërkohë, burime të BE-së thanë se ishin "të befasuar" nga një mesazh i Presidentes së Komisionit, që njoftonte mbështetje të nënkuptuar për sulmet e Izraelit kundër Teheranit. Mesazhi nga Ursula von der Leyen shkoi më tej se deklarata e dakordësuar e Këshillit Evropian, që është krahu i BE-së me autoritetin për të kryer politikën e jashtme.
Presidentja e Komisionit shkroi në rrjetin X: "Fola me Presidentin Herzog në lidhje me situatën në Lindjen e Mesme. Unë përsërita të drejtën e Izraelit për të mbrojtur veten dhe popullin e tij".
“Nuk kishte konsensus për të thënë se Izraeli ka të drejtë të mbrohet, por Von der Leyen e deklaroi gjithsesi”, tha një burim tjetër diplomatik.
“Këto vende si Irani nuk nënshtrohen thjesht kur sulmohen kështu, dhe ajo që vjen më pas do të jetë shumë më keq, edhe nëse ka ndryshim regjimi në Iran”, tha zyrtari, duke shtuar: “Dhe pastaj, kur dy ose tre milionë iranianë të afrohen në dyert e Evropës, ata do të thonë se nuk mund ta përballojnë këtë krizë emigracioni”.
Një nga ish-krerët e Agjencisë Ndërkombëtare të Energjisë Atomike (IAEA) pretendoi se “dyshimi izraelit nuk përbën një kërcënim të menjëhershëm” dhe se sulmi i Izraelit ndaj objekteve bërthamore po thyen ligjin ndërkombëtar.
BE e konsideron Iranin si një ndikim të madh destabilizues në kontinentin evropian përmes mbështetjes ushtarake ndaj Rusisë. Teherani ka furnizuar Moskën me dronë që nga fillimi i pushtimit të Ukrainës në vitin 2022, sipas ushtrisë së Kievit.
Fed mban normat e interesit të pandryshuara - Por, Trump kërkon uljen e tyre për të lehtësuar shpenzimet e qeverisë
Rezerva Federale e Shteteve të Bashkuara vendosi të mbajë të pandryshuar normën bazë të interesit, ndërsa pret informacion të mëtejshëm mbi ndikimin e......
Sa investojnë shqiptarët në bono dhe obligacione? - AMF: Numri i anëtarëve në fondet private arriti mbi 40 mijë në tremujorin e parë
Jo vetëm në depozita dhe pasuri të paluajtshme, por edhe në tituj qeveritarë. Shqiptarët po diversifikojnë mënyrat e investimit të parave të tyre. Të dhënat......
Ministeriali i Taorminës në Itali/ Hasani: “Zgjerimi i BE-së, zgjedhje strategjike për paqen”!
Ky vit shënon përvjetorin e 70-të të Konferencës historike të Mesinës dhe Taorminës, një prej ngjarjeve më të rëndësishme të rrugëtimit europian, ku u hodhën......
600 euro në muaj për të porsalindurit deri në moshën 5 vjeç - Strategjia e Sardenjës për të luftuar shpopullimin
Familjet që jetojnë në komuna të vogla në Sardenjë do të marrin një kontribut mujor në vitin 2025 për çdo të porsalindur, të adoptuar ose të strehuar. Këtë e......
Bartja e numrit të telefonit, si pritet të bëhet në vijim? - AKEP: Rimbursim për kreditet e papërdorura dhe vonesat në portimin e operatorit
Afate më të shkurtra për ndërrimin e operatorit të numrit apo rimbursim të krediteve të papërdorura, janë disa nga risitë që synohet t'i shtohen zbatimit të......
“Made in Albania” “pushtojnë” tregun e Kosovës/ Lidhja ekonomike mes dy vendeve u thellua ndjeshëm në pesë muajt e parë
Tregtia mes Shqipërisë dhe Kosovës ka njohur një zgjerim të ndjeshëm gjatë vitit 2025, duke shënuar shifra në rritje në periudhën Janar-Maj. Vetëm në pesë......
Balluku në samitin e Athinës: Takime dypalëshe për forcimin e bashkëpunimit energjetik rajonal!
Zëvendëskryeministrja dhe njëherazi ministre e Infrastrukturës dhe Energjisë, Belinda Balluku, mori pjesë në Samitin për Tranzicionin Energjetik, i zhvilluar......
Bizneset në treg të lirë energjetik - Ofertat e çmimeve, në platformën e ERE-s janë bërë pjesë vetëm 6 furnizues
Të gjithë furnizuesit e energjisë elektrike kanë detyrimin të publikojnë ofertat e tyre në Platformën e Krahasimit të Çmimeve, të ngritur nga Enti......
