Bota Postuar më 15 Mars 2025, 11:33

Carney betohet si kryeministër i Kanadasë - Zotohet të gjejë një zgjidhje për konfliktin tregtar me SHBA-në

Nga Kristi Ceta

Carney betohet si kryeministër i Kanadasë -  Zotohet të

Ish-kreu i Bankës Qendrore Mark Carney është betuar si kryeministër i Kanadasë. Ai theksoi se do të bashkëpunonte me presidentin amerikan Donald Trump për të zgjidhur çështjen e tarifave.

Ish-bankieri qendror Mark Carney u betua si kryeministër i Kanadasë, duke deklaruar se do të punonte me presidentin e Shteteve të Bashkuara Donald Trump, për të zgjidhur konfliktet tregtare.

Ai do të pasojë Justin Trudeau, i cili kishte një marrëdhënie të ftohtë me Trump. Carney, 59 vjeç, e bëri të qartë se qasja e tij do të jetë e ndryshme.

"Ne e respektojmë Presidentin Trump. Ai ka vendosur disa çështje shumë të rëndësishme në krye të agjendës së vet,” u tha ai gazetarëve pasi u betua, duke vënë në dukje se kishte punuar me liderin amerikan në takime ndërkombëtare.

"Në shumë aspekte, një pjesë e përvojës sime përputhet me atë të Presidentit, ne të dy po kujdesemi për vendet tona. Por ai e di… dhe unë e di nga përvoja e gjatë, se mund të gjejmë zgjidhje që të dyja palët të dalin të fituara," nënvizoi Carney. Ai tha se nuk kishte plane të menjëhershme për të folur me presidentin, por theksoi se bisedat e administratës Trump për aneksimin e Kanadasë ishin jashtë realitetit.

Kryeministri i ri kanadez riformoi kabinetin e tij prej 24 personash, duke shkurtuar pothuajse gjysmën e posteve ministrore që trashëgoi nga Trudeau.

Zgjedhjet e ardhshme duhet të mbahen deri më 20 tetor dhe liberalët do të përballen me konservatorët e opozitës, që kishin bërë fushatë prej kohësh kundër një takse të karbonit. Carney, i cili premtoi të anulonte masën, nënshkroi një urdhër për eleminimin e saj gjatë takimit të parë të kabinetit.

Lideri i ri kanadez tha se do të vizitojë Londrën dhe Parisin javën e ardhshme. Kanadaja ka kërkuar të forcojë aleancat në Evropë, pas konflikteve tregtare me Shtetet e Bashkuara.

 

 

Sondazh

Sa ju bindin programet ekonomike të partive për zgjedhjet e 11 majit 2025?

  • Janë të detajuara dhe të realizueshme
  • Kanë ide të mira, por mungojnë detajet e zbatimit
  • Janë premtime të parealizueshme

Live TV

Të fundit
Të gjitha lajmet

Më të vizituarat

Video