Alarmi i OKB: Toka, drejt kalimit të pragut 1.5°C - Temperaturat globale mund ta tejkalojnë kufirin kritik brenda pak vitesh
Temperaturat globale pritet të tejkalojnë brenda pak vitesh pragun kritik prej 1.5 gradë Celsius, duke rritur rrezikun për valë të nxehti, përmbytje, thatësira dhe fenomene të tjera ekstreme të motit. Paralajmërimi vjen nga Programi i Mjedisit i Kombeve të Bashkuara (UNEP).
Sipas raportit të ri, tejkalimi i këtij kufiri, i vendosur si objektiv në Marrëveshjen e Parisit, tashmë konsiderohet shumë i mundshëm. Ekspertët theksojnë se edhe nëse temperaturat do të ulen më vonë, çdo vit i kaluar mbi 1.5°C do të shtojë dëmet ndaj mjedisit dhe shoqërisë.
UNEP vlerëson se rikthimi i temperaturave nën 1.5°C është ende i mundur, por “shumë i pasigurt”. Për ta arritur këtë do të nevojiteshin shkurtime të shpejta dhe drastike të emetimeve të gazeve serrë, krahas masave për largimin e dioksidit të karbonit nga atmosfera.
Raporti paralajmëron për pasoja të rëndësishme për ekosistemet, akullnajat dhe qytetet bregdetare, ndërsa rritja e temperaturave do të intensifikonte edhe kushtet ekstreme të motit.
Në skenarin më optimist, nëse vendet zbatojnë të gjitha angazhimet e tyre aktuale për klimën, ngrohja globale mund të arrijë një maksimum prej rreth 1.8°C mbi nivelet para-industriale.
Por situata është shumë më shqetësuese nëse vazhdojnë politikat aktuale. Sipas UNEP, me masat që janë sot në fuqi, temperatura mesatare globale mund të arrijë rreth 2.6°C deri në vitin 2100.
Një rol të rëndësishëm mund të luajë edhe largimi i karbonit nga atmosfera, përmes metodave që përfshijnë pyllëzimin dhe krijimin e pyjeve të reja. Megjithatë, OKB-ja thekson se këto masa nuk mund të zëvendësojnë uljen e fortë të emetimeve.
“Çdo vit vonesë dhe çdo pjesë e një shkalle mbi 1.5°C rrit rreziqet”, paralajmëron UNEP, duke theksuar se disa prej dëmeve mund të jenë të pakthyeshme, edhe nëse temperaturat bien në të ardhmen.
Tatimet mbledhin 445 milionë euro në Gusht - Rritje me 11.2%, ndikim turizmi dhe pagat
Muaji Gusht ka shënuar ecuri të mirë në mbledhjen e të ardhurave tatimore. Referuar të dhënave paraprake të publikuara nga ky institucion, gjatë muajit që......
“Shërbime të aksesueshme për të gjithë” - Drafti për personat me aftësi të kufizuar, gjoba bizneseve deri në 5 mln lekë
Një projektligj i ri për përfshirjen dhe aksesueshmërinë e personave me aftësi të kufizuara është hedhur për konsultim publik nga Ministria e Shëndetësisë......
BE kërkon rezultate konkrete nga Kina - Tetori, afati i fundit për të arritur marrëveshje tregtare. Në të kundërt, tarifa
Pekini duhet të japë “rezultate konkrete” deri në tetor, ose do të përballet me “masa më të ashpra”, paralajmëroi Komisioneri i Tregtisë i Bashkimit......
Shpenzimet turistike arrijnë 82 miliardë euro - Spanja thyen rekordin. Mbi 58 milionë vizitorë deri në korrik
Spanja ka shënuar një tjetër rekord në turizëm, duke pritur 58.1 milionë vizitorë ndërkombëtarë gjatë periudhës janar–korrik 2026. Shifra përfaqëson një......
Si ka ndryshuar fuqia ekonomike e BE? - Gjermania dominon kontinentin në 20 vite
Gjermania mbetet ekonomia më e madhe e Bashkimit Europian, por pesha e ekonomive kryesore të bllokut ka ndryshuar ndjeshëm gjatë dy dekadave të fundit. Sipas......
Çfarë peshe ka Shqipëria në hartën globale? Renditemi në vendin e 143-të, pesë shtete mbajnë rreth 40% të tokës së botës
Në hartën e botës, diferencat mes shteteve janë shumë më të mëdha nga sa mund të duken në pamje të parë. Vetëm pesë vende kontrollojnë rreth 40% të......
Zyra e Komisionerit zgjeron profilin ndërkombëtar, bëhet pjesë e Koalicionit për Transparencën Proaktive
Komisioneri për të Drejtën e Informimit dhe Mbrojtjen e të Dhënave Personale i është bashkuar zyrtarisht Koalicionit për Transparencën Proaktive, një......
Licencohen 131 MW energji në 8 muaj - Dielli dominon me 122.3 MW, asnjë licencë e re për centralet e erës
Rreth 131 MW kapacitete të reja për prodhimin e energjisë elektrike janë licencuar nga Enti Rregullator i Energjisë gjatë periudhës janar–gusht 2026. Sipas......
