46 mld euro për ekonominë - Pekini forcon bankat dhe siguruesit shtetërorë
Kina po ndërmerr një ndërhyrje të madhe në sistemin e saj financiar, duke avancuar një paketë prej 360 miliardë juanësh, rreth 46.1 miliardë euro, për forcimin e bankave dhe kompanive të sigurimit shtetëror, ndërsa ekonomia përballet me ngadalësim të rritjes.
Pjesa më e madhe e paketës, rreth 37.2 miliardë euro, do të shkojë për bankat shtetërore, me synimin për të ruajtur kapacitetin e tyre për kreditim dhe për të mbështetur aktivitetin ekonomik.
Banka Bujqësore e Kinës pritet të marrë deri në 20.5 miliardë euro, ndërsa Banka Industriale dhe Tregtare e Kinës deri në 12.8 miliardë euro. Në mesin e investitorëve do të jetë edhe Ministria kineze e Financave.
Pjesë e paketës janë edhe China National Tobacco Corporation dhe Banka e Eksport-Importit e Kinës, e cila do të përfitojë rreth 3.85 miliardë euro.
Ndërkohë, rreth 9 miliardë euro do të injektohen në sektorin e sigurimeve. China Life Insurance Group do të marrë rreth 4.5 miliardë euro, ndërsa China Taiping Insurance Group rreth 900 milionë euro.
Sektori i sigurimeve është përballur me presione të forta për shkak të normave të ulëta të interesit, të cilat kanë reduktuar kthimet nga investimet. Në të njëjtën kohë, autoritetet kineze u kanë kërkuar kompanive të sigurimit të rrisin investimet në tregun vendas të aksioneve.
Ndërhyrja vjen në një moment kur Pekini po përpiqet të mbështesë ekonominë dhe të ruajë stabilitetin e sistemit financiar.
Ndërhyrja financiare nuk është lëvizja e vetme e rëndësishme e Pekinit këtë muaj. Presidenti kinez pritet të vizitojë Uashingtonin më 24 shtator dhe, sipas raportimeve, mund të shoqërohet nga një delegacion i madh drejtuesish të kompanive kineze.
Një lëvizje e tillë do të ishte e pazakontë për Xi, i cili rrallë udhëton me drejtues të kompanive private. Vizita e fundit me një delegacion të ngjashëm biznesi në SHBA daton në vitin 2015.
Ndërkohë, juani kinez është forcuar ndjeshëm ndaj dollarit, duke arritur nivelin më të lartë që prej janarit 2023. Forcimi i monedhës vjen vetëm pak javë përpara bisedimeve të pritshme në Uashington.
Me injektimin e miliarda eurove në sistemin financiar dhe përgatitjet për një vizitë të rëndësishme në SHBA, Pekini po përpiqet të kombinojë mbështetjen e ekonomisë së brendshme me forcimin e pozicionit financiar dhe diplomatik të Kinës.
Begaj dekreton emërimin e Klodiana Spahiut si ministre e Shëndetësisë dhe Mirëqenies Sociale
Presidenti i Republikës, Bajram Begaj, dekretoi sot shkarkimin e Evis Sala nga detyra e Ministrit të Shëndetësisë dhe Mirëqenies Sociale. Po sot,......
Korridori Vertikal i Gazit - Zgjerimi lidh Ballkanin me burimet dhe tregjet europiane
Maqedonia e Veriut ka nënshkruar deklaratën për t’iu bashkuar Korridorit Vertikal të Gazit, një nismë rajonale që synon diversifikimin e furnizimit me gaz......
“IA, rrezik për njerëzimin” - OKB kërkon kontrolle urgjente për Inteligjencën Artificiale të avancuar
Një paralajmërim i fortë vjen nga Kombet e Bashkuara për zhvillimin e inteligjencës artificiale. Shefi i të drejtave të njeriut të OKB-së, Volker Türk,......
Fatura e aksidenteve - AMF: Kompanitë e sigurimit paguan mesatarisht 175 mijë lekë për dëmet motorike
Një kompani sigurimi ka paguar mesatarisht 175 mijë lekë për dëmet që pësuan makinat në aksident apo ngjarje të tjera. Sipas Autoritetit të Mbikëqyrjes......
Kullat e Veriut, drejt rijetëzimit - Gonxhja: 697 raste pronësie, 28 projekte restaurimi
Kullat karakteristike të Veriut të Shqipërisë pritet të hyjnë në një fazë të re, nga objektet e trashëgimisë kulturore, në asete që mund të gjenerojnë......
Transporti, sfida e tranzicionit - Plani i ri për dekarbonizimin: Elektrifikim, transport publik dhe hekurudhor
Transporti është një prej sektorëve kryesorë ku vendi ynë duhet të ndërhyjë për të përmbushur objektivat energjetikë dhe klimatikë deri në fund të dekadës.......
Ndërtimet e reja në Shqipëri/ Zënë 35-50% të ofertës në zonat kryesore
Tregu i pasurive të paluajtshme në Shqipëri vijon të karakterizohet nga një prani e konsiderueshme e ndërtimeve të reja. Sipas një vlerësimi të Investropa......
Shtëpia mban gratë larg punës/ Puna e papaguar, 28% përballë vetëm 1.5% te meshkujt
Edhe pas një dekade, detyrat shtëpiake vazhdojnë të jenë një nga arsyet kryesore që i mbajnë gratë shqiptare jashtë tregut të punës. Të dhënat e INSTAT-it......
